ຈີນຈະສ້າງຕັ້ງຄະນະທູດປະຈຳອາຊຽນຢູ່ນະຄອນຫຼວງຈາກາຕາໃນປີ2012
(GMT+08:00) 2011-12-13 12:48:11 cri
ຕາມຂ່າວຈາກເວບໄຊສະຖານທູດຈີນປະຈຳອິນໂດເນເຊຍ: ຄະນະກຳມະທິການຜູ້ຕາງໜ້າຖາວອນປະຈຳອາຊຽນກັບປະເທດຄູ່ເຈລະຈາໄດ້ປຶກສາຫາລືຢ່າງບໍ່ເປັນທາງການຢູ່ເກາະບາງກາຂອງອິນໂດເນເຊຍໃນອາທິດແລ້ວນີ້. ສອງຝ່າຍໄດ້ແລກປ່ຽນແລະປະສານງານກັນກ່ຽວກັບໂຄງການການຮ່ວມມືທີ່ປະເທດຄູ່ເຈລະຈາສະໜັບ ສະໜູນການສ້າງຕັ້ງປະຊາຄົມອາຊຽນ. ທ່ານວາງ ຈີນ ເຟີງ, ທີ່ປຶກສາຫ້ອງການວຽກງານອາຊຽນຂອງສະຖານທູດຈີນປະຈຳອິນໂດເນເຊຍ.
ທ່ານວາງ ຈີນ ເຟີງໄດ້ສົ່ງຕໍ່ຄວາມຢ້ຽມຢາມຖາມຂ່າວຂອງນາງຖົງສຽວລີງເອກອັກຄະລັດຖະທູດຈີນປະຈຳອາຊຽນໄປຍັງຜູ້ຕາງໜ້າຖາວອນຂອງບັນດາປະເທດອາຊຽນ, ກ່າວວ່າຈີນຈະສືບຕໍ່ສະໜັບສະໜູນຂວບການເຊື່ອມໂຍງຂອງອາຊຽນເຂົ້າເປັນອັນໜຶ່ງອັນດຽວກັນແລະການສ້າງຕັ້ງປະຊາຄົມອາຊຽນ, ສະໜັບສະໜູນບົດບາດໃຈກາງແລະບົດບາດນຳພາຂອງອາຊຽນໃນການຮ່ວມມືຢູ່ອາຊີຕາເວັນອອກ. ຈີນຈະສ້າງຕັ້ງຄະນະທູດປະຈຳອາຊຽນຢູ່ນະຄອນຫຼວງຈາກາຕາໃນປີ2012, ຝ່າຍຕ່າງໆລ້ວນແຕ່ເອົາໃຈໃສ່ແລະຊົມເຊີຍຕໍ່ເລື່ອງນີ້.
