ທ້າວ ກິລະກອນ ສີພອນໄຊ, ນັກກິາແລ່ນແລະລານແຂວງຫຼວງພະບາງເຈົ້າພາບ ໄດ້ຄວ້າ 2 ຫຼຽນຄຳໃນງານຫຼວງພະບາງເກມ, ຫຼຽນທີໜື່ງແມ່ນກິລາແລ່ນປະເພດ 4x100m, ແລະຫຼຽນທີສອງແມ່ນກິລາແລ່ນ 100 m.
ຫຼັງຈາກການແຂ່ງຂັນສີ້ນສຸດລົງ, ທ້າວ ກິລະກອນ ສີພອນໄຊ ໄດ້ໃຫ້ສໍາພາດຕໍ່ນັກຂ່າວ CRI ວ່າ: ນ້ອງມີຄວາມດີໃຈ ແລະພາກພູມໃຈຕໍ່ຜົນງານທີ່ຕົນເອງສ້າງໃນມື້ນີ້, ເຊິ່ງສາມາດເປັນແຊມໃນລາຍການແລ່ນ100 m ແລະ 4x100 m ໃນການລົງແຂ່ງຂັນທີ່ຫຼວງພະບາງເກມ, ຜ່ານມານ້ອງກໍ່ໄດ້ເຂົ້າຮ່ວມງານກິລານັກຮຽນຢູ່ແຂວງຫຼວງພະບາງໄດ້ໜື່ງຫຼຽນຄຳ, ສາມຫຼຽນທອງແດງ. ງານກິລາເຂດຢູ່ແຂວງຈຳປາສັກໄດ້ໜື່ງຫຼຽນຄຳ, ສອງຫຼຽນທອງແດງ. ສະເພາະງານໄກ່ຜູ້ໂອກເກມນີ້, ນ້ອງໄດ້ຝຶກຊ້ອມມາເປັນເວລາສີ່ເດືອນ, ແລະມື້ນີ້ນ້ອງຈຶ່ງສາມາດຄວ້າຫຼຽນຄຳ, ເຮັດໃຫ້ຊາວຫຼວງພະບາງບໍ່ຜິດຫວັງ.
ໃນຖານະທີ່ຕົນເອງປະສົບຜົນສຳເລັດໃນມື້ນີ້, ຂໍເຊີນຊວນນັກກິລາລຸ້ນນ້ອງທີ່ມີຄວາມສົນໃຈໃນກິລາປະເພດນີ້ຕ້ອງມີຄວາມອົດທົນ, ພະຍາຍາມເຮັດໃຫ້ດີທີ່ສຸດ.
ນະໂອກາດນີ້, ນ້ອງຂໍຂອບໃຈນໍາຄູຝຶກ, ແລະຊາວຫຼວງພະບາງທຸກຄົນທີ່ສົ່ງກຳລັງແຮງໃຈມາເຊຍ. ພິເສດຂໍເຊີນຊວນພໍ່ແມ່ພີ່ນ້ອງຊວນຫຼວງພະບາງຖ້າມີເວລາກໍ່ມາຊົມມາເຊຍໄດ້ທີ່ເດີ່ນກິລາແຂວງຫຼວງພະບາງ, ແລະຢ່າລືມເປັນແຮງໃຈໃຫ້ກັບນ້ອງ, ເພາະຍັງມີອີກ2ລາຍການທີ່ນ້ອງຈະລົງແຂ່ງໃນວັນທີ 18-19 ທັນວານີ້.