ຕາມຂ່າວCRI:ເພື່ອສະເຫຼີມສະຫຼອງວັນສ້າງຕັ້ງສາຍພົວພັນການທູດຈີນ-ລາວຄົບຮອບ50ປີ,ເພີ່ມທະວີການແລກປ່ຽນວັດທະນະທຳແລະສິນລະປະຂອງສອງປະເທດ,ວັນທີ28ມິຖຸນານີ້,ຢູ່ຫໍວັດທະນະທຳແຫ່ງຊາດທີ່ນະຄອນຫຼວງວຽງຈັນ,ສະຖານທູດຈີນປະຈຳລາວແລະສະຖາບັນຂົງຈືມະຫາວິທະຍາໄລແຫ່ງຊາດລາວໄດ້ຮ່ວມກັນຈັດງານວາງສະແດງພາບສິນລະປະການຂຽນຕົວໜັງສືຈີນຂອງອາຈານ Ye Jianfeng ໂດຍມີທ່ານLong Dingbin,ທີ່ປຶກສາການທູດຈີນປະຈຳລາວ,ທ່ານສຈ.ລຳໄມ ພິພະທະວົງ,ຫົວໜ້າຝ່າຍລາວສະຖາບັນຂົງຈືມະຫາວິທະຍາໄລແຫ່ງຊາດລາວແລະທ່ານສຈ. Tao Hong,ຫົວໜ້າຝ່າຍຈີນສະຖາບັນຂົງຈືມະຫາວິທະຍາໄລແຫ່ງຊາດລາວໃຫ້ກຽດເຂົ້າຮ່ວມ.
Ye Jianfeng ເປັນນັກສິນລະປະການຂຽນຕົວໜັງສືຈີນຄົນໜຸ່ມຂອງປະເທດຈີນ,ປັດຈຸບັນເປັນອາຈານສອນພາສາຈີນຢູ່ພາກພາສາຈີນຄະນະອັກສອນສາດມະຫາວິທະຍາໄລແຫ່ງຊາດລາວ.ພາບສິນລະປະການຂຽນຕົວໜັງສືຈີນແລະຮູບເຕັ້ມຂອງເພິ່ນໄດ້ສະແດງໃຫ້ເຫັນເຖິງປະຫວັດສາດອັນຍາວນານແລະອຸດົມສົມບູນຂອງຕົວໜັງສືຈີນ,ທັງໄດ້ສະແດງໃຫ້ເຫັນເຖິງສະເໜ່ພິເສດຂອງວັດທະນະທຳຈີນ.
1 2 3 4 5 6 7 
