ຕາມຂ່າວສານຊິນຮວາ: ວັນທີ 16 ສິງຫານີ້, ກຳປູເຈຍໄດ້ຈັດພິທີສະຫຼອງຜົນສຳເລັດການສ້າງເສັ້ນທາງຕອນໜຶ່ງຂອງທາງຫຼວງແຫ່ງຊາດເລກ 1 ເຊິ່ງມີໄລຍະທາງຍາວ 9 ກິໂລແມັດແລະທາງຫຼວງສາຍນີ້ແມ່ນພາກສ່ວນສຳຄັນຂອງທາງດ່ວນອາຊຽນ, ເຊິ່ງຈະເຮັດໃຫ້ນະຄອນຫຼວງພະນົມເປັນຂອງກຳປູເຈຍ ກັບ ນະຄອນໂຮຈິມີງຂອງຫວຽດນາມເຊື່ອມຕໍ່ເຂົ້າຫາກັນ.
ໃນພິທີສະຫຼອງ, ທ່ານຮຸນແຊນ ນາຍົກລັດຖະມົນຕີກຳປູເຈຍກ່າວວ່າ, ທາງຫຼວງແຫ່ງຊາດເລກ 1 ຂອງກຳປູເຈຍແມ່ນສາຍເລືອດໃຫຍ່ສາກົນທີ່ເຊື່ອມຕໍ່ລະຫວາງນະຄອນຫຼວງພະນົມເປັນຂອງກຳປູເຈຍ ກັບ ນະຄອນໂຮຈິມີງຂອງຫວຽດນາມ, ແມ່ນພາກສ່ວນສຳຄັນຂອງການກໍ່ສ້າງແລວທາງເສດຖະກິດພາກໃຕ້ ແລະ ທາງດ່ວນອາຊຽນທີ່ເຊື່ອມຕໍ່ນະຄອນໂຮຈິມີງ, ພະນົມເປັນ ແລະ ບາງກອກ, ທາງຫຼວງສາຍນີ້ມີບົດບາດສຳຄັນສຳລັບການຄົມມະນາຄົມຂົນສົ່ງຜູ່ໂດຍສານ ແລະ ການຂົນສົ່ງຈໍລະຈອນສິນຄ້າໃນພາກພື້ນ.
