ລັດຖະບານຊຸດໃໝ່ຂອງໄທຈະເລັ່ງໃສ່ການປັບປຸງຊີວິດການເປັນຢູ່ຂອງປະຊາຊົນເປັນໃຈກາງຂອງວຽກງານ
(GMT+08:00) 2011-08-17 11:13:56 cri
ຕາມຂ່າວສານຊິນຮວາ: ວັນທີ16ສິງຫານີ້, ທ່ານກິດຕິຣັດ ນະຣະນອງ, ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຄ້າໄທກ່າວວ່າ, ລັດຖະ ບານຊຸດໃໝ່ບໍ່ພຽງແຕ່ເອົາໃຈໃສ່ການພັດທະນາທາງດ້ານເສດຖະກິດແຫ່ງຊາດເທົ່ານັ້ນ, ຍັງຈະພະຍາຍາມເພີ່ມລາຍໄດ້ຂອງປະຊາຊົນໃຫ້ສູງຂຶ້ນ, ຫຼຸດການໃຊ້ຈ່າຍໃນຊີວິດ ປະຈຳວັນໃຫ້ໜ້ອຍລົງແລະບັນລຸການແບ່ງປັນລາຍໄດ້ດ້ວຍຄວາມ ຍຸດຕິທຳ.
ທ່ານກິດຕິຣັດ ນະຣະນອງກ່າວຕື່ມວ່າ, ການຍົກສູງມາດຕະຖານເງິນເດືອນຕ່ຳສຸດ, ຍົກສູງລາຍໄດ້ປະກອບອາຊີບຂອງນັກສຶກສາທີ່ຫາກໍ່ຮຽນຈົບ, ຫຼຸດພາສີອາກອນຂອງບໍລິສັດ, ຫຼຸດລາຄານ້ຳມັນເຊື້ອໄຟແລະດຳເນີນການເຄື່ອນໄຫວຕໍ່ຕ້ານຢາເສບຕິດແມ່ນວຽກງານໃຈກາງທຳອິດທີ່ລັດຖະບານຊຸດໃໝ່ຈະໄດ້ເລີ່ມຕົ້ນຈັດຕັ້ງປະ ຕິບັດ.
ລັດຖະບານຊຸດໃໝ່ຂອງໄທທີ່ນຳພາໂດຍທ່ານນາງຍິ່ງລັກ ຊິນນະວັດຄາດວ່າຈະຍື່ນໂຄງຮ່າງນະໂຍບາຍທາງການເມືອງໃຫ້ລັດຖະສະພາໃນວັນທີ24ສິງຫານີ້.
