ຕາມຂ່າວສານຊິນຮວາ: ວັນທີ 17 ສິງຫານີ້, ກອງປະຊຸມກ່ຽວກັບການຄຸ້ມຄອງຢຸກຢາຕາມ"ແລວທາງເສດຖະກິດຕາເວັນອອກ-ຕາເວັນຕົກ"ຫວຽດນາມ,ລາວ ແລະ ໄທຄັ້ງທີສອງໄດ້ຈັດຂຶ້ນຢູ່ແຂວງກວາງຈີສາທາລະນະລັດສັງຄົມນິຍົມຫວຽດນາມ.
ຂ່າວສານຫວຽດນາມລາຍງານວ່າ, ກອງປະຊຸມຄັ້ງນີ້ແມ່ນກະຊວງປ້ອງກັນຄວາມສະຫງົບຫວຽດນາມ ແລະ ພະແນກປ້ອງກັນຄວາມສະຫງົບແຂວງກວາງຈີຮ່ວມກັນຈັດຂຶ້ນ, ພາກສ່ວນທີ່ກ່ຽວຂ້ອງທີ່ມາຈາກ 3 ປະເທດດັ່ງກ່າວໄດ້ສົ່ງຜູ່ຕາງໜ້າເຂົ້າຮ່ວມກອງປະຊຸມ. ໃນກອງປະຊຸມເທື່ອນີ້, ຜູ່ຮ່ວມປະຊຸມໄດ້ທົບທວນຄືນຜົນໄດ້ຮັບໃນການຄຸ້ມຄອງຢຸກຢາຂອງສາມປະເທດຫຼັງຈາກກອງປະຊຸມເທື່ອທຳອິດທີ່ຈັດຂຶ້ນຢູ່ຈັງຫວັດມຸກດາຫານຂອງໄທໃນປີ2009,ແລະສະເໝີອອກມາດຕະການທີ່ກ່ຽວຂ້ອງສຳລັບການປ້ອງກັນ ແລະ ຄວບຄຸມຢາເສບຕິດ ພ້ອມທັງຄວາມເປັນໄປໄດ້ທີ່ເພິ່ມທະວີການຮ່ວມມືຕາມ"ແລວທາງເສດຖະກິດຕາເວັນອອກ-ຕາເວັນຕົກ"ໃຫ້ຫຼາຍຂຶ້ນ,ໜູນໃຊ້ບົດຮຽນອັນດີຂອງປະເທດຕ່າງໆໃນການປາບປາມແລະສະກັດກັ້ນການຂາຍເຖື່ອນຢາເສບຕິດຂ້າມຊາດ.
