ຕຶກສະພາເຂດໂມໂລໄຕຂອງອິນໂດເນເຊຍຖືກລະເບີດ
(GMT+08:00) 2011-08-18 18:48:49 cri
ຕາມຂ່າວສານຊິນຮວາ,ສື່ມວນຊົນອິນໂດເນເຊຍລາຍງານໃນວັນທີ18ສິງຫານີ້ວ່າ,ໄດ້ເກີດເຫດການລະເບີດແຕກຢູ່ຫ້ອງປະຊຸມຂອງຕຶກສະພາເຂດໂມໂລໄຕທີ່ຢ່ທາງູພາກຕາເວັນອອກຂອງອິນໂດເນເຊຍາ,ແຮງລະເບີດໄດ້ເຮັດໃຫ້ຫຼັງຄາ,ປ່ອງຢ້ຽມແລະປະຕູໄດ້ຮັບຜົນເສຍຫາຍ,ແຕ່ບໍ່ໄດ້ມີຜູ່ໃດເສຍຊີວິດຫຼືບາດເຈັບ.
ທ່ານອາດີ ຊັດຢາ ເປີຄາຊາ ຫົວໜ້າເຈົ້າໜ້າທີ່ຕຳຫຼວດຮານມາເຮລາເໜືອຂອງອິນໂດເນເຊຍກ່າວວ່າ,ປະຈຸບັນ,ເຂດທີ່ຖືກລະເບີດໄດ້ອັດປະຕູເປັນການຊົ່ວຄາວແລ້ວ,ປະຈຸບັນ,ເຈົ້າໜ້າທີ່ຕຳຫຼວດພວມສອບສວນເຈົ້າໜ້າທີ່ປ້ອງກັນຄວາມສະຫງົບຈຳນວນໜຶ່ງເພື່ອຊອກຮູ້ສະພາບການເວນຍາມໃນຄືນວັນທີ17ສິງຫານີ້.
ມາຮອດປະຈຸບັນ,ຍັງບໍ່ທັນມີອົງການຫຼືຜູ່ຖືກສົງໃສໃດໆອອກມາອ້າງຄວາມຮັບຜິດຊອບຕໍ່ເຫດການລະເບີດເທື່ອນີ້,ສ່ວນຈຸດປະສົງໃນການກໍ່ເຫດການລະເບີດເທື່ອນີ້,ເຈົ້າໜ້າທີ່ພວມສອບສວນຢູ່.
