ຕາມຂ່າວສານຈີນ: ວັນທີ 23 ສິງຫານີ້, ນາງວິບູນ ສະຫງວນພົງ ຜູ່ອຳນວຍການໃຫຍ່ກົມປ້ອງກັນແລະຫຼຸດຜ່ອນໄພພິບັດແຫ່ງຊາດໄທກ່າວວ່າ, ໄພນ້ຳຖ້ວມທີ່ເລິ່ມມາແຕ່ທ້າຍເດືອນກໍລະກົດແລ້ວນີ້ໄດ້ສົ່ງຜົນກະທົບຕໍ່ 30 ຈັງຫວັດຂອງໄທ, ໄພພິບັດເທື່ອນີ້, ມີ 41 ຄົນເສຍຊີວິດ, ແລະ 1 ຄົນຫາຍສາບສູນ.
ນາງວິບູນກ່າວວ່າ, ກົມປ້ອງກັນແລະຫຼຸດຜ່ອນໄພພິບັດແຫ່ງຊາດໄທໄດ້ສົ່ງເຮືອກູ້ໄພ 1 ພັນກວ່າລຳສົ່ງຕູບຜ້າເຕັນຫຼາຍຮ້ອຍຜືນ ແລະ ຫ້ອງນ້ຳເຄື່ອນທີ່ 200 ກວ່າໜ່ວຍໄປຊ່ວຍເຫຼືອປະຊາຊົນຢູ່ເຂດປະສົບໄພ.
ມື້ດຽວກັນ, ທ່ານນາງຍິ່ງລັກ ຊີນນະວັດ ນາຍົກລັດຖະມົນຕີໄທໄດ້ຮຽກຮ້ອງໃຫ້ກະຊວງມະຫາດໄທ ແລະ ພາກສ່ວນທີ່ກ່ຽວຂ້ອງປະສານງານຢ່າງແໜ້ນແຟ້ນ, ເຮັດວຽກງານກູ້ໄພ ແລະ ພັດທະນາໃໝ່ຫຼັງໄພພິບັດໃຫ້ໄດ້ດີ. ພ້ອມກັນນັ້ນ, ທ່ານນາງຍິ່ງລັກ ຊິນນະວັດກໍ່ກຽມຈະລົງໄປສຳຫຼວດເຂດປະສົບໄພນ້ຳຖ້ວມ, ເພື່ອຊຸກຍູ້ວຽກງານກູ້ໄພຕື່ມອີກ.
