ອິນໂດເນເຊຍປ່ຽນເງິນໂດລາສ່ວນໜຶ່ງໃນຄັງສຳຮອງໃຫ້ເປັນເງິນຕາຕ່າງປະເທດອື່ນໆ
(GMT+08:00) 2011-08-25 14:51:14 cri
ໜັງສືພິມຊ່າງປ້າວອິນໂດເນເຊຍແຈ້ງຂ່າວວ່າ,ເຈົ້າໜ້າທີ່ຮັບຜິດຊອບໃນການສຳຫຼວດຄົ້ນຄວ້າເສດຖະກິດແລະສ້າງນະໂຍບາຍການເງິນຂອງທະນາຄານກາງອິນໂດເນເຊຍກ່າວຖະແຫຼງໃນວັນສຸກຜ່ານມາວ່າ, ອິນໂດເນເຊຍໄດ້ປ່ຽນເງິນໂດລາສະຫະລັດອາເມລິກາສ່ວນໜຶ່ງໃນຄັງສຳຮອງເງິນຕາຕ່າງປະເທດໃຫ້ເປັນເງິນຕາຕ່າງປະເທດອື່ນແລະພັນທະບັດຂອງບັນດາປະເທດພວມພັດທະນາ.
ເຈົ້າໜ້າທີ່ອິນໂດເນເຊຍກ່າວວ່າ,ໃນເມື່ອກ່ອນ,ຄັງສຳຮອງເງິນຕາຕ່າງປະເທດຂອງອິນໂດເນເຊຍແມ່ນຖືເງິນໂດລາເປັນຕົ້ນຕໍ,ແຕ່ວ່າເລີ່ມແຕ່ປີ2011ເປັນຕົ້ນໄປ,ອັດຕາແລກປ່ຽນລະຫວ່າງເງິນໂດລາຕໍ່ຣູເປຍແລະເງິນໂດລາຕໍ່ເງິນຕາອື່ນໆໄດ້ຕົກຕ່ຳລົງຢ່າງບໍ່ຢຸດຢັ້ງ.ເພື່ອຫຼີກເວັ້ນຄວາມເສຍຫາຍທາງດ້ານຄັງສຳຮອງເງິນຕາຕ່າງປະເທດ,ປະຈຸບັນ,ທະນາຄານກາງອິນໂດເນເຊຍຈິ່ງປ່ຽນເງິນໃນຄັງສຳຮອງເງິນຕາຕ່າງປະເທດໃຫ້ເປັນເງິນຕາທີ່ບໍ່ແມ່ນເງິນໂດລາເປັນກ້າວໆ.ນອກນີ້,ຫຼັກຊັບທີ່ມີມູນຄ່າທີ່ຊື້ຈາກປະເທດທີ່ພັດທະນາແລ້ວໃນເມື່ອກ່ອນກໍ່ຈະຄ່ອຍໆປ່ຽນເປັນຜະລິດຕະພັນການເງິນຂອງປະເທດທີ່ພວມພັດທະນາ.ສະກຸນເງິນຕາໃນຄັງສຳຮອງທີ່ອິນໂດເນເຊຍປ່ຽນອອກໃນຄັ້ງນີ້ມີເງິນເຢັນ,ເງິນຟຣັ່ງສວິສ,ໂດລາການາດາ.ສ່ວນພັນທະບັດເບຼຊີນແລະຫຼັກຊັບທີ່ມີມູນຄ່າອື່ນໆໄດ້ຖືກຈັດເຂົ້າໃນຄັງສຳຮອງ.
ມາຮອດທ້າຍເດືອນກໍລະກົດປີ2011ນີ້,ຄັງສຳຮອງເງິນຕາຕ່າງປະເທດຂອງອິນໂດເຊຍໄດ້ບັນລຸເຖິງ122ຕື້700ລ້ານໂດລາ.
