ຕາມຂ່າວສານຈີນ: ວັນທີ 24 ສິງຫານີ້, ສານອຸທານຂອງໄທໄດ້ຍົກຟ້ອງການຕັດສິນຕໍ່ນາງພົດຈະນາມ ນະ ປ້ອມເພຊະຣະ ອະດີດພັນລະຍາຂອງທ່ານທິກສິນ ຊີນນະວັດເຊິ່ງສານອາຍາໄທໄດ້ຕັດສິນໃນວັນທີ 31 ກໍລະກົດ2008ຜ່ານມາ ວ່ານາງພົດຈະນາມນະປ້ອມເພັດ ແລະ ນາງການຈະນາພາ ຫົງເຫີນ ເລຂາຂອງນາງບໍ່ມີໂທດ, ໃຫ້ໄດ້ຮັບການປ່ອຍຕົວ.
ວັນທີ 31 ກໍລະກົດ2008ຜ່ານມາ, ສານອາຍາໄທຕັດສິນນາງພົດຈະມານນະ ປ້ອມເພັດ ພັນລະຍາຂອງທ່ານທິກສິນ ຊິນນະວັດ ອະດີດນາຍົກລັດຖະມົນຕີໄທມີໂທດຍ້ອນການຫົຼບຫຼີກບໍ່ຢາກເສຍພາສີ, ແລະຕັດສິນໃຫ້ນາງຖືກກັກຂັງເປັນເວລາ 3 ປີ. ພ້ອມກັນນັ້ນ, ສານໄດ້ຕັດສິນໂທດຕໍ່ມີທ່ານບັນພົດ ດາມາພົງ ຜູ່ເປັນອ້າຍ ແລະ ນາງການຈະນາພາ ຫົງເຫີນ ເລຂາຂອງນາງພົດຈະມານນະປ້ອມເພັດ, ທັງສອງຄົນຖືກຕັດສິນກັກຂັງເປັນເວລາ 3 ປີ ແລະ 2 ປີຕາມລຳດັບ.
ໃນການຕັດສິນຂອງສານອຸທອນໃນວັນທີ 24 ສິງຫານີ້, ສານເຫັນວ່າ, ຫຼັກຖານທີ່ຮ້ອງຟ້ອງນາງພົດຈະມານນະປ້ອມເພັດ ແລະ ນາງການຈະນາພາ ຫົງເຫີນມີໂທດໃນປີ2008ນັ້ນຍັງບໍ່ພຽງພໍ,ແລ້ວຈິ່ງຕັດສິນໃຫ້ທັງສອງຄົນບໍ່ໄດ້ຮັບໂທດ ແລະ ໄດ້ຮັບການປ່ອຍຕົວ, ແຕ່ທ່ານບັນພົດດາມາພົງຍັງ ເຫັນວ່າມີໂທດຖອນຫຼົບຫຼີກພາສີ,ແຕ່ສານອຸທອນເຫັນວ່າ, ໃນຫຼາຍປີທີ່ຜ່ານໄປ, ທ່ານບັນພົດໄດ້ປະກອບສ່ວນຢ່າງຫຼວງຫຼາຍເຂົ້າມູນນິທິໄທຄົມ,ແລະບໍ່ມີການກະທຳຜິດກົດໝາຍອີກ, ຈິ່ງຕັດສິນຫຼຸດເວລາຖືກກັກຂັງເປັນເວລາ 2 ປີ, ແລະຝາກໂທດ 1 ປີ.
