ຕາມຂ່າວສານຈີນ: ວັນທີ 24 ສິງຫານີ້, ກອງປະຊຸມຄະນະກຳມະການຊາຍແດນສ່ວນພູມີພາກໄທ-ກຳປູເຈຍ ຫຼື RBC ໄດ້ຈັດຂຶ້ນຢູ່ຈັງຫວັດນະຄອນ ຣາດຊະສີມາ, ກອງປະຊຸມຈະປຶກສາຫາລືຫົວຂໍ້ 15 ຂໍ້ ເຊິ່ງລວມທັງຖອນທະຫານຈາກເຂດທີ່ມີຂໍ້ພິພາດ.
ສື່ມວນຊົນນຳເອົາບົດລາຍງານຂອງຝ່າຍທະຫານມາແຈ້ງ, ພົນໂທທະວັດໄຊ ສະໝຸດສາຄອນ ຜູ່ບັນຊາການກອງທັບພາກທີສອງຂອງໄທ ກັບ ທ່ານຜູ່ບັນຊາການກອງທັບພາກທີສີ່ຂອງກຳປູເຈຍໄດ້ພ້ອມກັນເປັນປະທານກອງປະຊຸມ. ພົນໂທທະວັດໄຊກ່າວວ່າ, ການຈັດກອງປະຊຸມເທື່ອນີ້ສະແດງໃຫ້ເຫັນວ່າລະຫວ່າງໄທ ກັບ ກຳປູເຈຍມີການພົວພັນຮ່ວມມືທີ່ດີຕໍ່ກັນ, ພ້ອມກັນນັ້ນກໍ່ສະແດງອອກເຖິງເຈຕະນາດີທີ່ທັງສອງຝ່າຍຈະຮ່ວມກັນແກ້ໄຂຂໍ່ຂັດແຍ່ງໃນອະນາຄົດ.
ກອງປະຊຸມເທື່ອນີ້ຈັດດຳເນີນເປັນເວລາ 2 ມື້, ຈະປຶກສາຫາລື 15 ຫົວຂໍ້ ເຊັ່ນ, ໄທ ແລະ ກຳປູເຈຍຖອນທະຫານຈາກເຂດທີ່ມີຂໍ້ພິພາດຢູ່ ອ້ອມຂ້າງຜາສາດ ແປຣວິເຮຍ, ຄວາມໝັ້ນຄົງຂອງຊາດ, ສັນຕິພາບຂອງຊາຍແດນ, ການພັດທະນາດິນແດນ, ສິ່ງແວດລ້ອມ ແລະ ປາບປາມຢາເສບຕິດດັ່ງນີ້ເປັນຕົ້ນ. ໃນນັ້ນ, ການຖອນທະຫານແມ່ນບັນຫາສຳຄັນຂອງການປຶກສາສຸດທີ່ຫາລືໃນກອງປະຊຸມເທື່ອນີ້.
