ໄທໄດ້ຄອງແຊມໃນການແຂ່ງຂັນຫຸ່ນຍົນອາຊີປາຊີຟິກ
(GMT+08:00) 2011-08-29 14:51:26 cri
ຕາມຂ່າວສານຊິນຮວາ: ວັນທີ28ສິງຫານີ້, ການແຂ່ງຂັນຫຸ່ນຍົນອາຊີປາຊີຟິກຄັ້ງທີ10ທີ່ແມ່ນສະຫະພັນການຈະຈາຍສຽງອາຊີປາຊີຟິກເປັນຜູ້ລິເລີ່ມນັ້ນໄດ້ສໍາເລັດລົງແລ້ວ, ໂດຍແມ່ນທິມແຂ່ງຂັນສອງທິມຈາກປະເທດໄທຕ່າງໄດ້ຊະນະເລີດແລະຮອງຊະນະເລີດ.
ການແຂ່ງຂັນເທື່ອນີ້ມີຫົວຂໍ້ວ່າ "ບຸນໄຫຼເຮືອໄຟ: ຈຸດປະກາຍຄວາມສຸກດ້ວຍມິດ ຕະພາບ". ເນື້ອໃນການແຂ່ງຂັນເທື່ອນີ້ແມ່ນໃຫ້ຫຸ່ນຍົນອັດຕະ ໂນມັດແລະຫຸ່ນຍົນທີ່ບັງຄັບດ້ວຍຄຳສັ່ງຮ່ວມກັນເຮັດເຮືອໄຟ, ຫຼັງຈາກນັ້ນກໍ່ປ່ອຍເຮືອໄຟລົງໃນບໍລິເວນໜ້ານ້ຳທີ່ໄດ້ກຳນົດໄວ້, ໂດຍໃຊ້ເວລາໃນການແຂ່ງຂັນ3ນາທີ.
ບຸນໄຫຼເຮືອໄຟແມ່ນບຸນປະເພນີຂອງລາວແລະໄທ, ຢູ່ລາວຈະຈັດໃນມື້ອອກພັນສາຂຶ້ນ15ຄ່ຳເດືອນ11, ສ່ວນຢູ່ໄທຈະຈັດໃນມື້ຂຶ້ນ15ຄ່ຳເດືອນ12. ຕອນຄ່ຳມື້ນັ້ນ, ປະຊາຊົນຈະໄປໄຫຼເຮືອໄຟຢູ່ແຄມແມ່ນ້ຳເພື່ອອະທິຖານໃຫ້ມີຄວາມສຸກແລະຄວາມສະຫວັດດີພາບ.
