ຕາມຂ່າວCR:ວັນທີ 2 ກັນຍານີ້, ຄະນະກຳມະການຈັດງານແຂ່ງຂັນຮ້ອງເພງພາສາຂະແມທົ່ວໂລກຄັ້ງທີ 2 ໄດ້ຈັດກອງປະຊຸມຂ່າວຂຶ້ນຢູ່ນະຄອນຫຼວງພະນົມເປັນ, ທ່ານຄີມ ຊາຣີດ໌ ເລຂາລັດຖະມົນຕີກະຊວງສີລະປະວັດທະນະທຳກຳປູເຈຍ ທັງເປັນປະທານຄະນະກຳມະການຈັດງານແຂ່ງຂັນ ແລະ ທ່ານອື່ນໆໄດ້ແນະນຳກ່ຽວກັບສະພາບການກະກຽມຂອງການແຂ່ງຂັນຄັ້ງນີ້.
ການຈັດຕັ້ງການແຂ່ງຂັນທົ່ວໄປເທື່ອທຳອິດຈະເລິ່ມແຕ່ເດືອນຕຸລາເປັນຕົ້ນໄປ, ສຳລັບການແຂ່ງຂັນຮອບສຸດທ້າຍຈະຈັດຂຶ້ນຢູ່ພະນົມເປັນໃນທ້າຍເດືອນທັນວາປີນີ້, ການແຂ່ງຂັນຈະແບ່ງເປັນສອງປະເພດ ຄື,ແບບປະເພນີ ແລະ ແບບເຂົ້າໃຈງ່າຍ,ແລະຄັດອອກ ຈົນໄດ້ຜູ່ຊະນະເລີດເພື່ອຮັບລາງວັນໃນທີ່ສຸດ.
ການແຂ່ງຂັນຮ້ອງເພງພາສາຂະແມທົ່ວໂລກຄັ້ງທຳອິດໄດ້ດຶງດູດນັກຮ້ອງເຊື້ອສາຍກຳປູເຈຍຈາກ 5 ປະເທດເຂົ້າຮ່ວມ ເຊັ່ນ,ອາເມລິກາ ແລະ ການາດາເປັນຕົ້ນ, ຄາດວ່າ ການແຂ່ງຂັນເທື່ອນີ້ຈະມີນັກຮ້ອງເຊື້ອສາຍກຳປູເຈຍປະເທດ ແລະ ເຂດແຄວ້ນເຂົ້າຮ່ວມຫຼາຍກວ່າເກົ່ານີ້ເປັນການ ສະແດງແລະເຜີຍແຜ່ວັດທະນະທຳຂອງກຳປູເຈຍຕໍ່ຊາວໂລກໃຫ້ກວ້າງຂວາງກວ່າເກົ່າ.
