ໃນຕອນບ່າຍຂອງວັນທີ 7 ກັນຍານີ້ ຢູ່ທີ່ສູນກາງຊາວໜຸ່ມປະຊາຊົນປະຕິວັດລາວໄດ້ຈັດກອງປະຊຸມຖະແຫຼງຂ່າວຜົນສຳເລັດຂອງກອງປະຊຸມໃຫ່ຍຜູ້ແທນຊາວໜຸ່ມລາວທົ່ວປະເທດຄັ້ງທີ່ VI ທີ່ໄດ້ໄຂຂື້ນໃນວັນທີ 23 ແລະປິດລົງໃນວັນທີ 24 ສິງຫາ ຜ່ານມາ, ໂດຍໃຫ້ກຽດຖະແຫຼງຂ່າວໂດຍທ່ານ ດຣ ວິໄລວົງ ບຸດດາຄໍາ ເລຂາຄະນະ ບໍລິຫານງານສູນກາງຊາວໜຸ່ມປະຊາຊົນປະຕິວັດລາວ.
ໃນການຖະແຫຼງຂາວຄັ້ງນີ້ທ່ານ ດຣ ວິໄລວົງ ບຸດດາຄຳກໍໄດ້ຍົກໃຫ້ເຫັນຜົນສຳເລັດ ຂອງກອງປະຊຸມໃຫ່ຍຜູ້ແທນຊາວໜຸ່ມລາວທົ່ວປະເທດຄັ້ງທີ VI ເຊິ່ງມີບາງຕອນທ່ານ ກ່າວວ່າ: ກອງປະຊຸມໄດ້ກຳນົດທິດທາງແຜນການຕໍ່ໜ້າ 2011 – 2015 ໂດຍເລັ່ງໃສ່ ເພີ່ມທະວີວຽກງານສຶກສາອົບຮົ່ມການເມືອງແນວຄິດ, ເຕົ້າໂຮມປຸກລະດົມ, ຊຸກຍູ້ຊາວ ໜຸ່ມເຍົາວະຊົນເຂົ້າໃນການເຊື່ອມຊືມ-ຮໍ່າຮຽນການເມືອງ, ເອກະສານ, ມະຕິຕ່າງໆ ແລະຂໍ້ກຳນົດກົດໝາຍຂອງພັກ-ລັດວາງອອກໃຫ້ໄດ້ຫຼາຍແລະເປັນຂະບວນ, ປັບປຸ່ງ ກໍ່ສ້າງຄະນະຊາວໜຸ່ມແຕ່ລະຂັ້ນໃຫ້ແໜ້ນໜັກເຂັ້ມແຂງ, ຂະຫຍາຍສະມາຊິກຊາວ ໜຸ່ມເຍົາວະຊົນທັນວາໃຫ້ນັບມື້ນັບເພີ່ມຂືນທາງດ້ານປະລິມານແລະຄຸນນະພາບຕາມຂໍ້ແຂ່ງຂັນ 4 ບຸກຂອງຊາວໜຸ່ມແລະ 3 ດີ 4 ຮູ້ຂອງເຍົາວະຊົນ, ຕ້ານແລະສະກັດກັ້ນ ປະກົດການຍໍ້ທໍ້ໃນໝູ່ຊາວໜຸ່ມ, ເພີ່ມທະວີວຽກງານປົກປ້ອງສິດແລະຜົນປະໂຫຍດ ຂອງ ຊາວໜຸ່ມບເຍົາວະຊົນ, ເສີມຂະຫຍາຍສາຍພົວພັນມິດຕະພາບກັບຕ່າງປະເທດໂດຍສະ ເພາະແມ່ນເພື່ອນມິດຍຸດທະສາດ.
ນອກນີ້ກອງປະຊຸມໃຫ່ຍຜູ້ແທນຊາວໜຸ່ມລາວທົ່ວປະເທດຄັ້ງທີ່ VI ຍັງໄດ້ມີການ ວາງໂຄງການ 6 ຈຸດຊຸມເຊັ່ນ: ສ້າງກຸ່ມອາຊີບໃຫ້ຊາວໜຸ່ມຕົວແບບ, ຝຶກອົບຮົມວິຊາອາ ຊີບໃຫ້ຊາວໜຸ່ມຊົນນະບົດ, ສົ່ງເສີມພອນສະຫວັນແລະຫົວຄິດປະດິດສ້າງ, ຝຶກອົບຮົມ ການເມືອງແລະຄວາມຮູ້ທົ່ວໄປໃຫ້ຊາວໜຸ່ມເຍົາວະຊົນ, ສ້າງສະຫະພັນຊາວໜຸ່ມແລະ ສ້າງກອງ ທຶນພັດທະນາ ຊາວໜຸ່ມ, ກໍປະຊຸມ ກໍໄດ້ມີ ການປ່ອນ ບັດຄັດເລືອກ ເອົາຄະນະ ບໍລິຫານງານສູນກາງຊາວໜຸ່ມປະຊາຊົນປະຕິວັດລາວຕື່ມອີກ.
ຕໍ່ກັບຜົນສຳເລັດອັນຈົບງາມນັ້ນ, ທ່ານ ດຣ ວິໄລວົງ ບຸດດາຄຳ ກໍໄດ້ຕາງໜ້າໃຫ້ຄະນະບໍລິຫານສູນກາງຊາວໜຸ່ມປະຊາຊົນປະຕິວັດລາວຮຽກຮ້ອງມາຍັງຄະນະຊາວໜຸ່ມ, ສະມາຊິກຊາວໜຸ່ມ-ເຍົາວະຊົນຈົ່ງພ້ອມກັນສືບຕໍ່ສ້າງຂະບວນການ, ສ້າງຜົນງານ ແລະພ້ອມກັນຕັ້ງໜ້າຜັນຂະຫຍາຍເນື້ອໃນ, ຈິດໃຈກໍຄື: ມະຕິຕ່າງໆຂອງກອງ ປະຊຸມ ລົງຈັດຕັ້ງປະຕິບັດໃຫ້ເກີດດອກອອກຜົນ, ສືບຕໍ່ປະຕິບັດຄຳຂວັນທີ່ວ່າ: "ບ່ອນໃດຍາກ ຊາວໜຸ່ມບຸກ, ບ່ອນໃດທຸກ ຊາວໜຸ່ມຜ່ານຜ່າ, ບ່ອນໃດຊາດຕ້ອງການ ຊາວໜຸ່ມຂານອາສາ"
