ຕາມຂ່າວສານຈີນ: ວັນທີ 7 ກັນຍານີ້, ກົມໃຫຍ່ກັນໄພຫຼຸດໄພທຳມະຊາດຂອງໄທກ່າວວ່າ, ຈົນຮອດປັດຈຸບັນ, ໄພນ້ຳຖ້ວມທີ່ມີມາຢ່າງຕໍ່ເນື່ອງເປັນເດືອນກວ່ານັ້ນໄດ້ເຮັດໃຫ້ເຂດປະສົບໄພມີ ທີ່ເສຍຊີວິດເຖິງ 69 ຄົນ.ປັດຈຸບັນ, ໄທຍັງມີ 4 ແສນ 6 ໝື່ນຄົນ 1 ແສນ 4 ໝື່ນຄອບຄົວໃນ 12 ຈັງຫວັດ ເຊັ່ນ, ສຸໂຂໄທ, ພິຈິດ,ພິດສະນຸໂລກ ແລະ ພຣະນະຄອນອາຍຸທະຍາໄດ້ຮັບຜົນສະທ້ອນຈາກໄພນ້ຳຖ້ວມ.
ມື້ດຽວກັນ, ນາງຍິ່ງລັກ ຊີນນະວັດ ນາຍົກລັດຖະມົນຕີໄທ ແລະ ທ່ານຍົງຍຸດວິໄຊດິດ ຮອງນາຍົກລັດຖະມົນຕີທັງເປັນລັດຖະມົນຕີກະຊວງມະຫາດໄທໄດ້ເດີນທາງໄປຈັງຫວັດພຣະນະຄອນສີອາຍຸດທະຍາ ແລະ ເຂດອື່ນໆເພື່ອສຳຫຼວດຄວາມເສຍຫາຍຈາກໄພພິບັດ, ເພື່ອຮູ້ບັນຫາທີ່ຕ້ອງການແກ້ໄຂຢ່າງຮີບດ່ວນ, ແລະໃຫ້ການຊ່ວຍເຫຼືອໃນດ້ານຕ່າງໆໃຫ້ແກ່ປະຊາຊົນ. ມື້ດຽວກັນ, ພົນເອກປຣະຍຸດ ຈັນໂອຊາ ຜູ່ບັນຊາການທະຫານບົກໄທກ່າວວ່າ, ທ່ານໄດ້ສັ່ງໃຫ້ກອງທະຫານທັງໝົດກະກຽມຄວາມພ້ອມເພື່ອໄປຍັງເຂດປະສົບໄພແລະໃຫ້ການຊ່ວຍເຫຼືອປະຊາຊົນໃນທຸກເວລາ, ທະຫານຈະຕອບສະໜອງຄວາມຕ້ອງການໃນການຊ່ວຍເຫຼືອປະຊາຊົນໃນເຂດປະສົບໄພໂດຍໄວ.
