ຕາມຂ່າວສານຊິນຮວາ: ກົມທ່ອງທ່ຽວເຂດປົກຄອງຕົນເອງເຜົ່າຈ້ວງກວາງຊີຈີນແຈ້ງໃຫ້ຮູ້ວ່າ, ໃນຖານະທີ່ເປັນຈຸດເດັ່ນຈຸດໜຶ່ງຂອງງານວາງສະແດງສິນຄ້າຈີນ-ອາຊຽນຄັ້ງທີ 8 , ການຈັດຕັ້ງເຂດວາງສະແດງຂອງ"ເມືອງສະເໜ"ດຳເນີນໄປຢ່າງສະດວກ, ເມືອງສະເໜຂອງ 11 ປະເທດລ້ວນແຕ່ໄດ້ຮັບການຕົກລົງເປັນທີ່ຮຽບຮ້ອຍແລ້ວ.
ຕາມໄດ້ຊາບ, ເມືອງສະເໜຂອງງານວາງສະແດງສິນຄ້າຈີນ-ອາຊຽນຄັ້ງທີ 8 ປະກອບມີ: ແຂວງໄຫຫລຳຂອງຈີນ, ບານດາເຊຣີເບກາວັນຂອງບຼູໄນ, ແຂວງຣັດຕະນະຄີຣີຂອງກຳປູເຈຍ, ແຂວງປາປົວ ບາຣັດຂອງອິນໂດເນເຊຍ, ແຂວງຈຳປາສັກຂອງລາວ, ລັດເນກີຣີ ໂຈຮໍຂອງມະເລເຊຍ, ນະຄອນຫຼວງເນປີດໍຂອງມຽນມາ,ເມືອງທ່າກຳປັ່ນບຼິນເສຊາຂອງຟິລິປິນ, ເມືອງສິງກະໂປຂອງສິງກະໂປ, ເມືອງຂອນແກ່ນຂອງໄທ ແລະ ເມືອງໂຮຍອານຂອງຫວຽດນາມ.
ງານວາງສະແດງສິນຄ້າຈີນ-ອາຊຽນຄັ້ງທີ 8 ຈະຈັດຂຶ້ນຢູ່ນະຄອນນານນີງເຂດປົກຄອງຕົນເອງເຜົ່າຈ້ວາງກວາງຊີແຕ່ວັນທີ 21 ຫາ ວັນທີ 22 ຕຸລາໜ້ານີ້, ຫົວຂໍ້ສຳຄັນແມ່ນ"ການຮ່ວມມືໃນດ້ານອະນຸລັກສິ່ງແວດລ້ອມ".
