ລັດຖະບານໄທແກ່ຍາວເວລາປະຕິບັດກົດໝາຍພາວະສຸກເສີນຢູ່3ຈັງຫວັດພາກໃຕ້ໄປອີກ90ວັນ
(GMT+08:00) 2011-09-14 17:49:01 cri
ຕາມຂ່າວສານຈີນລາຍງານວ່າ: ຄະນະລັດຖະບານໄທໄດ້ອະນຸມັດດຳລັດບໍລິຫານສະບັບໜຶ່ງໃນວັນທີ13ກັນຍານີ້ໂດຍແກ່ຍາວເວລາປະຕິບັດກົດໝາຍພາວະສຸກເສີນຢູ່3ຈັງຫວັດພາກໃຕ້ຂອງໄທຄືຢະລາ ປັດຕະນີແລະນາຣາທິວາດອອກໄປອີກ90ວັນ.
ມື້ດຽວກັນ, ທ່ານອະນຸສອນ ອ່ຽມສະອາດ ຮອງໂຄສົກລັດຖະບານໄທກ່າວວ່າ,ການແກ່ຍາວເວລາປະຕິບັດກົດໝາຍພາວະສຸກເສີນຢູ່3ຈັງຫວັດພາກໃຕ້ໄທເທື່ອນີ້ຈະເລີ່ມແຕ່ວັນທີ20ກັນຍານີ້ເປັນຕົ້ນໄປຈົນຮອດວັນທີ19ທັນວາປີນີ້.ທ່ານອະນຸສອນ ອ່ຽມສະອາດກ່າວວ່າ,ທ່ານພົນຕຳຫຼວດເອກ ໂກວິດວັດທະນະ ຮອງນາຍົກລັດຖະມົນຕີໄທໄດ້ຮັບການມອບໝາຍໃຫ້ເດີນທາງໄປພາກໃຕ້ໄທເພື່ອທຳຄວາມເຂົ້າໃຈກັນກັບບຸກຄົນທີ່ກ່ຽວຂ້ອງຂອງ3ຈັງຫວັດຄືຈັງຫວັດຢະລາ ,ປັດຕະນີ,ນາຣາທິວາດແລະອະທິບາຍສາເຫດທີ່ລັດຖະບານແກ່ຍາວເວລາປະຕິບັດກົດໝາຍພາວະສຸກເສີນເທື່ອນີ້.
ນີ້ເປັນເທື່ອທຳອິດທີ່ໄທແກ່ຍາວເວລາປະຕິບັດກົດໝາຍພາວະສຸກເສີນຢູ່3ຈັງຫວັດພາກໃຕ້ພາຍຫຼັງລັດຖະບານຍິ່ງລັກ ຊິນນະວັດຂຶ້ນຮັບຕຳແໜ່ງ.
