ທ່ານນາງຍິ່ງລັກຊິນນະວັດ ນາຍົກລັດຖະມົນຕີໄທກ່າວວ່າຢ່າຖືເອົາການໄປຢ້ຽມຢາມກຳປູເຈຍຂອງນາງໄປຕິດພັນກັບທ່ານທັກສິນຊິນນະວັດ
(GMT+08:00) 2011-09-15 16:09:10 cri
ຕາມຂ່າວສານຈີນລາຍງານວ່າ: ທ່ານນາງຍິ່ງລັກ ຊິນນະວັດ ນາຍົກລັດຖະມົນຕີໄທຮຽກຮ້ອງໃນວັນທີ14ກັນຍານີ້ວ່າ,ຢ່າຖືເອົາແຜນການໄປຢ້ຽມຢາມກຳປູເຈຍຂອງນາງໄປຕິດພັນກັບວາລະການເດີນທາງໄປຢ້ຽມຢາມກຳປູເຈຍຂອງທ່ານທັກສິນຊິນນະວັດ ຜູ່ເປັນອ້າຍຂອງນາງຊຶ່ງເປັນອະດີດນາຍົກລັດຖະມົນຕີໄທ,ເພາະການຢ້ຽມຢາມກຳປູເຈຍຂອງທ່ານທັກສິນຊິນນະວັດນັ້ນເປັນເລື່ອງສ່ວນຕົວຂອງທ່ານເອງ.
ທ່ານນາງຍິ່ງລັກຊິນນະວັດໄດ້ເດີນທາງໄປຢ້ຽມຢາມກຳປູເຈຍໃນວັນທີ15ກັນຍານີ້ເປັນເວ ລາ1ວັນ,ແລ້ວນາງຈະກັບຄືນປະເທດໄທໃນມື້ດຽວກັນ.ທ່ານນາງຍິ່ງລັກກ່າວວ່າ,ຈຸດປະສົງການຢ້ຽມຢາມກຳປູເຈຍຄັ້ງນີ້ແມ່ນເພື່ອຟື້ນຟູການພົວພັນກັບກຳປູເຈຍທີ່ເປັນປະເທດໃກ້ຄຽງໃຫ້ດີຂຶ້ນແລະໃນໄລຍະການຢ້ຽມຢາມ,ຈະບໍ່ມີການປຶກສາຫາລືກັນກ່ຽວກັບບັນຫາທີ່ອ່ອນໄຫວໂດຍສະເພາະແມ່ນກ່ຽວກັບການຮ່ວມມືໃນດ້ານພະລັງງານ.ທາງດ້ານລັດຖະບານກຳປູເຈຍໄດ້ຈັດວາງເວລາໃຫ້ທ່ານທັກສິນຊິນນະວັດຢ້ຽມຢາມກຳປູເຈຍໃນວັນທີ16ກັນຍານີ້.
