ຕະຫຼາດຫຼັກຊັບສິງກະໂປເພີ່ມທະວີການຕິດຕາມຄຸ້ມຄອງບໍລິສັດທີ່ຈຳໜ່າຍຫຸ້ນສ່ວນຢູ່ໃນຕະຫຼາດ
(GMT+08:00) 2011-09-15 17:22:17 cri
ຕາມຂ່າວສານຊິນຮວາລາຍງານວ່າ: ຕະຫຼາດຫຼັກຊັບສິງກະໂປລາຍງານໃນວັນທີ14ກັນຍານີ້ວ່າ,ເລີ່ມແຕ່ວັນທີ29ກັນຍານີ້ເປັນຕົ້ນໄປ,ຈະປະຕິບັດມາດຕະການຕິດຕາມຄຸ້ມຄອງທີ່ເຂັ້ມງວດກວ່າເກົ່າຕໍ່ບໍລິສັດທີ່ຈຳໜ່າຍຫຸ້ນສ່ວນໃນຕະຫຼາດຫຼັກຊັບສິງກະໂປ,ເພີ່ມຄວາມເຂັ້ມງວດໃນການເຜີຍແຜ່ຂໍ້ມູນຂ່າວສານຕ່າງໆເຊິ່ງລວມທັງເງິນກູ້ມັດຈຳດ້ວຍສິດຫຸ້ນສ່ວນຂອງຜູ່ຖືຫຸ້ນທີ່ສຳຄັນຂອງບໍລິສັດແລະສິດທີ່ເປັນຕົວແທນຂອງນິຕິບຸກຄົນຂອງບໍລິສັດແລະອື່ນໆ,ແລະເພີ່ມຄວາມເຂັ້ມງວດຕໍ່ການກວດກາຄຸນວຸດທິຂອງອົງການກວດກາບັນຊີ.
ຕາມຂໍ້ລະບຽບທີ່ດັດແກ້ໃໝ່,ຖ້າວ່າຜູ່ຖືຫຸ້ນທີ່ສຳຄັນຂອງບໍລິສັດທີ່ຈຳໜ່າຍຫຸ້ນສ່ວນໃນຕະຫຼາດຖືສິດຫຸ້ນສ່ວນເປັນສິ່ງມັດຈຳເພື່ອກູ້ຢືມເງິນ,ກໍ່ຕ້ອງເປີດເຜີຍຂໍ້ມູນຂ່າວສານຢ່າງທັນການ.ບໍລິສັດທີ່ຈຳໜ່າຍຫຸ້ນສ່ວນໃນຕະຫຼາດຍັງຕ້ອງໄດ້ເປີດເຜີຍສິດບໍລິຫານຂອງຕົວແທນນິຕິບຸກຄົນພ້ອມດ້ວຍຄວາມສ່ຽງໃນການໂຮມສູນສິດອຳນາດ.ສຳນັກງານກວດກາບັນຊີທີ່ຮັບຜິດຊອບວຽກງານການເງິນຂອງບໍລິສັດທີ່ຈຳໜ່າຍບັດຫຸ້ນສ່ວນໃນຕະຫຼາດກໍ່ຈຳເປັນຕ້ອງແມ່ນອົງການທີ່ໄດ້ຜ່ານການຢັ້ງຢືນຈາກສິງກະໂປຫຼືອົງການຈັດຕັ້ງສາກົນ.
