ການເຈລະຈາສັນຕິພາບລະຫວ່າງລັດຖະບານມຽນມາກັບເຂດພິເສດທີສອງຂອງເຜົ່າວາໄດ້ມີຄວາມຄືບໜ້າ
(GMT+08:00) 2011-10-04 17:27:02 cri
ວິທະຍຸແຫ່ງຊາດມຽນມາລາຍງານໃນວັນທີ3ຕຸລານີ້ວ່າ, ການເຈລະຈາສັນຕິພາບລະຫວ່າງລັດຖະບານມຽນມາກັບເຂດພິເສດທີສອງຂອງເຜົ່າວາທີ່ຈັດຂຶ້ນໃນວັນທີ1ຕຸລານີ້ໄດ້ມີຄວາມຄືບໜ້າສຳຄັນ, ຜູ້ຕາງໜ້າຂອງສອງຝ່າຍໄດ້ລົງນາມໃນເອກະສານທີ່ມີຄວາມຮັບຮູ້ຄືກັນ.
ການລາຍງານຂ່າວແຈ້ງວ່າ, ໜ່ວຍສະແຫວງຫາສັນຕິພາບເຂດພິເສດທີສອງເຜົ່າວາກ່າວວ່າ, ເຂດພິເສດທີສອງເຜົ່າວາແມ່ນພາກສ່ວນໜຶ່ງຂອງມຽນມາ, ບໍ່ສະແຫວງຫາການຕັດແຍກອອກຈາກສະຫະພັນ, ປົກປັກຮັກສາສັນຕິພາບພາຍໃນປະເທດເປັນໄລຍະຍາວນານ, ຮ່ວມມືກັບລັດຖະບານໃນດ້ານຮັກສາຄວາມໝັ້ນຄົງຂອງເຂດຊາຍແດນແລະໃນດ້ານການພັດທະນາ. ບົດລາຍງານຍັງຂຽນວ່າ, ສອງຝ່າຍໄດ້ປຶກສາຫາລືແລະກ້າວເຖິງຂັ້ນມີຄວາມຮັບຮູ້ຄືກັນໃນດ້ານຕ່າງໆ ເຊັ່ນ: ຟື້ນຟູສຳນັກງານຕິດຕໍ່ພົວພັນກັນ, ສົ່ງພະນັກງານເຊິ່ງກັນແລະກັນ, ຮ່ວມມືກັບລັດຖະບານມຽນມາເພື່ອປາບປາມຢາເສບຕິດ, ການພັດທະນາເຂດຊາຍແດນ, ວຽກງານເສດຖະກິດແລະອື່ນໆ.
ວັນທີ18ສິງຫານີ້, ລັດຖະບານມຽນມາໄດ້ອອກຖະແຫຼງການ, ປະກາດເຊີນກຳລັງປະກອບອາວຸດຊົນເຜົ່າສ່ວນໜ້ອຍເຂົ້າຮ່ວມການເຈລະຈາສັນຕິພາບ. ວັນທີ6ກັນຍານີ້, ຜູ້ຕາງໜ້າເຂດພິເສດທີສອງເຜົ່າວາເຫັນດີເຈລະຈາກັບລັດຖະບານມຽນມາ.
