ໄທແລະກຳປູເຈຍໄດ້ຮັບຜົນກະທົບຈາກໄພນ້ຳຖ້ວມ
(GMT+08:00) 2011-10-05 17:10:12 cri
ຕາມຂ່າວສານຊິນຮວາ, ໄພນ້ຳນຖ້ວມທີ່ຍືດເຍືອມາເປັນເວລາເກືອບສອງເດືອນເຮັດໃຫ້ຢູ່ກຳປູເຈຍມີຜູ້ເສຍຊີວິດ164ຄົນ, ແລະຢູ່ໄທມີຜູ້ເສຍຊີວິດ224ຄົນ.
ວັນທີ4ຕຸລານີ້, ຢູ່ພະນົມເປັນ, ໂຄສົກຄະນະກຳມະການຕ້ານໄພພີບັດແຫ່ງຊາດກຳປູເຈຍກ່າວວ່າ, ໄພນ້ຳນຖ້ວມທີ່ຍືດເຍືອມາເປັນເວລາເກືອບສອງເດືອນແມ່ນໄພນ້ຳນຖ້ວມທີ່ຮ້າຍແຮງທີ່ສຸດໃນຮອບ11ປີມານີ້.
ນັບແຕ່ຕົ້ນເດືອນສິງຫາມານີ້, ຍ້ອນສະພາບດິນຟ້າອາກາດມີການປ່ຽນແປງ ເຊັ່ນ ຄວາມດັນຕ່ຳຂອງອາກາດແລະອື່ນໆ, ຫຼາຍທ້ອງຖິ່ນຂອງກຳປູເຈຍເກີດມີຝົນຕົກໜັກ ລຽນຕິດ, ພາໃຫ້ແມ່ນ້ຳຂອງສູງຂຶ້ນຢ່າງວ່ອງໄວ, ເຮັດໃຫ້ບາງເຂດປະສົບໄພນ້ຳຖ້ວມ. ມາຮອດປະຈຸບັນ, ທົ່ວປະເທດກຳປູເຈຍມີ2ແສນ1ໝື່ນກວ່າຄອບຄົວແລະເນື້ອທີ່ນາ3ແສນເຮັກຕາຖືກນ້ຳຖ້ວມ. ພື້ນຖານໂຄງລ່າງຕ່າງໆ ເຊັ່ນ: ຖະໜົນຫົນທາງ, ຂົວແລະອື່ນໆ ໄດ້ຮັບຄວາມເສຍຫາຍ. ຜູ້ຕາງໜ້າອົງການຟາວສະຫະປະຊາຊາດປະຈຳກຳປູເຈຍກ່າວວ່າ, ອົງການຟາວຈະປະເມີນຜົນເສຍຫາຍຂອງໄພນ້ຳຖ້ວມ, ເພື່ອໃຫ້ການຊ່ວຍເຫຼືອແກ່ປະຊາຊົນຜູ້ປະສົບໄພ.
ພ້ອມກັນນັ້ນ, ປູຊະນີຍະສະຖານຫຼາຍແຫ່ງຂອງໄທກໍປະສົບໄພນ້ຳຖ້ວມເຊັ່ນດຽວກັນ, ລັດຖະມົນຕີວ່າການກະຊວງວັດທະນະທຂອງຳໄທຄາດຄະເນວ່າ, ໄພນ້ຳຖ້ວມຂະໜາດໃຫຍ່ຄັ້ງນີ້, ຈະເຮັດໃຫ້ປູຊະນີຍະສະຖານຂອງໄທມີຄວາມເສຍຫາຍຫຼາຍກວ່າ100ລ້ານບາດ.
