ຈີນຮຽກຮ້ອງໃຫ້ຟີລິບປິນແກ້ໄຂເຫດການເຮືອຫາປາຂອງຈີນຖືກລົບກວນ
(GMT+08:00) 2011-10-21 19:06:41 cri
ວັນທີ20ຕຸລານີ້,ທ່ານນາງຈ່ຽງອີ ໂຄສົກກະຊວງການຕ່າງປະເທດຈີນກ່າວຢູ່ນະຄອນຫຼວງປັກກິ່ງວ່າ,ຈີນໄດ້ແຈ້ງຫຼັກໝັ້ນຂອງຕົນຕໍ່ຟີລິບປິນກ່ຽວກັບເຮືອຫາປາຂອງຈີນຖືກກຳປັ່ນຮົບຂອງຟີລິບປິນລົບກວນຢູ່ເຂດທະເລນານຊ່າ,ຈີນຮຽກຮ້ອງໃຫ້ຟີລິບປິນສົ່ງເຮືອນ້ອຍຄືນໃຫ້ຈີນຢ່າງບໍ່ມີເງື່ອນໄຂໂດຍໄວເທົ່າທີ່ຈະໄວໄດ້,ແກ້ໄຂບັນຫາທີ່ກ່ຽວຂ້ອງຢ່າງເໝາະສົມ.
ໃນເວລາຕອບຄຳຖາມຂອງນັກຂ່າວທີ່ກ່ຽວຂ້ອງໃນວັນທີ20ຕຸລານີ້,ທ່ານນາງຈ່ຽງອີກ່າວວ່າ,ວັນທີ18ຕຸລານີ້,ກ່ຳປັ່ນຮົບລຳໜຶ່ງຂອງຟີລິບປິນໄດ້ເຂົ້າສູ່ເຂດທະເລໃກ້ກັບຫາດລີເຢ້ຖ່ານນານຊ່າຂອງຈີນ,ໃນເວລາກ່ຳປັ່ນນີ້ຢາກເຂົ້າໃກ້ເຮືອຫາປາຈີນທີ່ພວມເຮັດວຽກຕາມປົກກະຕິນັ້ນ,ໃບພັດຂອງກ່ຳປັ່ນໄດ້ກ້ຽວພັນກັບເຊືອກຂອງເຮືອນ້ອຍທີ່ບໍ່ມີຄົນຂັບຈຳນວນ25ລຳທີ່ເຮືອຫາປາລາກນັ້ນຈົນເຮັດໃຫ້ເຮືອຫາປາຈີນບໍ່ສາມາດຄວບຄຸມເຮືອນ້ອຍເຫຼົ່ານີ້ໄດ້.ປະຈຸບັນ,ຊາວປະມົງພ້ອມດ້ວຍເຮືອຫາປາຂອງຈີນລ້ວນແຕ່ປອດໄພຢູ່.
ທ່ານນາງຈ່ຽງອີກ່າວວ່າ,ຈີນມີອະທິປະໄຕທີ່ບໍ່ສາມາດໂຕ້ຖຽງໄດ້ຕໍ່ໝູ່ເກາະນານຊ່າພ້ອມດ້ວຍເຂດທະເລບໍລິເວນອ້ອມແອ້ມ.ຊາວປະມົງຂອງຈີນຫາປາຢູ່ບ່ອນທີ່ເຄີຍຫາປາເປັນປະຈຳໃນທຸກເຊັ່ນຄົນຜ່ານມານັ້ນແມ່ນຖືກຕ້ອງທີ່ສຸດ.ສ່ວນການກະທຳຂອງຟີລິບປິນໄດ້ທຳລາຍສິດແລະຜົນປະໂຫຍດທີ່ຊອບດ້ວຍກົດໝາຍຂອງຊາວປະມົງຈີນ.
