ຕາມຂ່າວCRI: ໄພນ້ຳຖ້ວມຮ້າຍແຮງໄດ້ສ້າງຜົນກະທົບຕໍ່ໄທເປັນເວລາເກືອບ 3 ເດືອນແລ້ວ, ລະດັບນ້ຳທີ່ມາກຂຶ້ນຢ່າງຮ້າຍແຮງພວມນັບມື້ນັບເຂົ້າໃກ້ຊິດນະຄອນຫຼວງບາງກອກ, ຕໍ່ເລື່ອງນີ້, ວັນທີ 22 ຕຸລານີ້, ທ່ານນາງຍິ່ງລັກ ຊີນນະວັດ ນາຍົກລັດຖະມົນຕີໄທເຕືອນໃຫ້ປະຊາຊົນບາງກອກຈົ່ງລະວັງຍົກຍ້າຍວັດຖຸສິ່ງຂອງ,ເພື່ອຕ້ານກັບໄພ້ນ້ຳຖ້ວມທີ່ໃກ້ເຂົ້າມາເລື້ອຍໆ.
ນາງຍິ່ງລັກແມ່ນໃຫ້ທັດສະນະດັ່ງກ່າວໃນເວລາກ່າວຄຳປາໄສທາງໂທລະພາບໃນມື້ດຽວກັນ. ນາງກ່າວວ່າ, ລັດຖະບານຈະຈົງເຈາະປົກປັກຮັກສາສະຖານີພະລາຊະວົງ, ໂຮງໝໍ, ວັດຖຸບູຮານ ພ້ອມທັງຖະໜົນຫົນທາງ ແລະ ຍານພາຫະນະສຳຄັນຕ່າງໆ, ພະຍາຍາມສຸດຂີດເພື່ອຮັບປະກັນລະບຽບຊີວິດການເປັນຢູ່ຂອງນະຄອນຫຼວງບາງກອກບໍ່ໃຫ້ຖືກຜົນກະທົບແຮງເກີນໄປ. ພ້ອມກັນນັ້ນ, ລັດຖະບານກໍຈະລະບາຍນ້ຳແມ່ນ້ຳຕ່າງໆລົງສູ່ທະເລໂດຍໄວເພື່ອໃຫ້ນະຄອນຫຼວງບາງກອກພົ້ນຈາກໄພນ້ຳຖ້ວມ. ນາງຍິ່ງລັກຍັງຮຽກຮ້ອງໃຫ້ພົນລະເມືອງເລິ່ມຍົກຍ້າຍວັດຖຸສິ່ງຂອງ,ເພື່ອຫຼີກເວັ້ນຄວາມເສຍຫາຍທີ່ບໍ່ຈຳເປັນ.
ວັດຖຸກູ້ໄພງວດທີ 2 ທີ່ລັດຖະບານຈີນຊ່ວຍເຫຼືອໄທນັ້ນໄດ້ຂົນສົ່ງໄປເຖິງໄທໃນວັນທີ 22 ເດືອນນີ້ແລ້ວ.
