ຕາມຂ່າວຈາກCRI:ວັນທີ 22 ຕຸລານີ້,ທ່ານມຸສທາຣ,ຜູ່ຊ່ອຍພິເສດຂອງກະຊວງການຄ້າອິນໂດເນເຊຍທີ່ມາເຂົ້າຮ່ວມງານວາງສະແດງສິນຄ້າຈີນ-ອາຊຽນຄັ້ງທີ 8 ກ່າວວ່າ,ອິນໂດເນເຊຍຈະພິຈາລະຈາຂໍ້ສະເຫນີຂອງຝ່າຍທີ່ກ່ຽວຂ້ອງເຂດກວາງຊີ,ຄືຕັ້ງສຳນັກງານຜູ່ຕາງຫນ້າຢູ່ນະຄອນນານນິງ.
ທ່ານມຸສທາຣສະເຫນີວ່າ,ກ່ອນອື່ນ,ພິຈາລະຈາການຕັ້ງສຳນັກງານຜູ່ຕາງຫນ້າດ້ານເສດຖະກິດການຄ້າຢູ່ນະຄອນນານນິງ,ຖ້າມີເງື່ອນໄຂຢ່າງພຽງພໍແລ້ວ,ຈະໃຫ້ກະຊວງການຕ່າງປະເທດອິນໂດເນເຊຍຕັ້ງສະຖານກົງສຸນຢູ່ນະຄອນນານນິງ.
ພ້ອມກັນນັ້ນ,ທ່ານຫວັງຢາກໃຫ້ອິນໂດເນເຊຍກັບຈີນເພີ່ມທະວີການຮ່ວມມືກັນລະຫວ່າງທ້ອງຖິ່ນກັບທ້ອງຖິ່ນຂອງສອງປະເທດ,ເພາະວ່າອິນໂດເນເຊຍກັບຈີນລ້ວນແຕ່ແມ່ນປະເທດທີ່ມີດິນແດນອັນກວ້າງໃຫຍ່ໄພສານ,ທ່ານຫວັງວ່າ ນັກລົງທຶນຂອງຈີນຢ່າເລັງໃສ່ເກາະຈາວາພຽງແຫ່ງດຽວ.
