ເລຂາທິການໃຫຍ່ອາຊຽນຮຽກຮ້ອງໃຫ້ວິສາຫະກິດຂະໜາດກາງແລະນ້ອຍຂອງບັນດາປະເທດອາຊຽນຮ່ວມມືກັບວິສາຫະກິດຂອງຈີນຢ່າງກວ້າງຂວາງ
(GMT+08:00) 2011-10-24 16:16:22 cri
ຕາມຂ່າວສານຊີນຮວາ: ທ່ານສຸຣິນ ພິດສຸວັນ, ເລຂາທິການໃຫຍ່ອາຊຽນກ່າວໃນເວລາເຂົ້າຮ່ວມງານວາງສະແດງສິນຄ້າຈີນ-ອາຊຽນທີ່ຈັດຂຶ້ນຢູ່ນະຄອນນານນິງຂອງຈີນໃນອາທິດແລ້ວນີ້ວ່າ,ເວົ້າສຳລັບອາຊຽນແລ້ວ,ຈີນທີ່ພວມພັດທະນາຢ່າງວ່ອງໄວແມ່ນຕະຫຼາດອັນກວ້າງຂວາງແຫ່ງໜຶ່ງ,ບັນດາປະເທດອາຊຽນຄວນນຳໃຊ້ໂອກາດນີ້. ກ່ຽວກັບເລື່ອງນີ້, ທ່ານສຸຣິນ ພິດສຸວັນໄດ້ມີຂໍ້ສະເໜີ2ຂໍ້,ຄື:ຊຸກຍູ້ວິສາຫະກິດຂະໜາດກາງແລະນ້ອຍຂອງບັນດາປະເທດອາຊຽນຮ່ວມມືກັບວິສາຫະກິດຂອງຈີນຢ່າງກວ້າງຂວາງ; ແລະ,ບັນດາປະເທດອາຊຽນຄວນຊອກຮູ້ຢ່າງເປັນເຈົ້າການຕໍ່ກົນໄກອະນຸມັດເຂົ້າສູ່ຕະຫຼາດແລະມາດຕະຖານຜະລິດຕະພັນທີ່ກ່ຽວຂ້ອງໃນຂະແໜງການຕ່າງໆຢູ່ໃນຕະຫຼາດຈີນ.
ໂດຍແນໃສ່ການທີ່ "ຖືເສດຖະກິດການຄ້າເປັນຕົ້ນຕໍແລະການລົງທຶນເປັນສຳຮອງ"ລະຫວ່າງຈີນ-ອາຊຽນ,ທ່ານສຸຣິນ ພິດສຸວັນກ່າວວ່າ,ບັນດາປະເທດອາຊຽນຄວນເພີ່ມທະວີແຮງດຶງດູດທຶນ,ໂຄສະນາທ່າແຮງຂອງຕົນຕໍ່ວິສາຫະກິດຂອງຈີນ. ວິສາຫະກິດຂອງຈີນຈຳນວນຫຼວງຫຼາຍແມ່ນຍ້ອນບໍ່ເຂົ້າໃຈສະພາບຂອງຕະຫຼາດອາຊຽນ,ຕົວຢ່າງ:ການກໍ່ສ້າງພື້ນຖານໂຄງລ່າງ,ທ່າແຮງບົ່ມຊ້ອນໃນດ້ານຕະຫຼາດແລະອື່ນໆ,ຈຶ່ງຈະມີຄວາມສົງໄສຕໍ່ການລົງທຶນຕໍ່ອາຊຽນ. ນອກນີ້,ທ່ານຍັງຫວັງໃຫ້ບັນດາປະເທດອາຊຽນສາມາດຮ່ວມມືກັບຕົວເມືອງຫຼາຍແຫ່ງຂອງຈີນເປີດຖ້ຽວບິນລະຫວ່າງກັນໃຫ້ຫຼາຍກວ່າເກົ່າ.
