ຕາມຂ່າວສານຈີນ: ໃນເຫດການ"5 ຕຸລາ", ເຮັດໃຫ້ລູກເຮືອຈີນ 13 ຄົນເສຍຊີວິດໝົດ. ຕອນເຊົ້າວັນທີ 23 ຕຸລານີ້ ເຊິ່ງເປັນມື້ທີ 19 ຫຼັງເຫດການ, ທ່ານເມີ້ງຈ້ຽນຈູ້ ທີ່ປຶກສາແຫ່ງລັດ, ລັດຖະມົນຕີວ່າການກະຊວງປ້ອງກັນຄວາມສະຫງົບຈີນໄດ້ຮຽກໄຂກອງປະຊຸມຫົວຂໍ້ພິເສດຢູ່ກິ່ງແຂວງສິບສອງພັ່ນນາແຂວງຢຸນນານເພື່ອຄົ້ນຄວ້າຫາລືວຽກງານທີ່ກ່ຽວຂ້ອງ, ລິເລິ່ມເລັ່ງລັດສ້າງກົນໄກຮ່ວມມືດ້ານຄວາມປອດໄພປະຕິບັດກົດໝາຍໃນການເດີນເຮືອຢູ່ຕາມລຳແມ່ນ້ຳລານຊ້າງ-ແມ່ນ້ຳຂອງ.
ໃນກອງປະຊຸມ, ທ່ານເມີ້ງຈ້ຽນຈູ້ຮຽກຮ້ອງໃຫ້ປະເທດທີ່ກ່ຽວຂ້ອງເອົາໃຈໃສ່ໃນການສືບສວນຄະດີ, ຈັບຜູ່ກໍ່ອາຊະຍາກຳມາລົງໂທດ, ຮັກສາຄວາມປອດໄພດ້ານຊີວິດ ແລະ ຊັບສິນຂອງປະຊາຊົນຈີນ. ທ່ານສະເໜີວ່າຄວນສ້າງກົນໄກຮ່ວມມືດ້ານຄວາມປອດໄພປະຕິບັດກົດໝາຍໃນການເດີນເຮືອຢູ່ຕາມລຳແມ່ນ້ຳລານຊ້າງ-ແມ່ນ້ຳຂອງໂດຍໄວ, ເພິ່ມທະວີການແລກປ່ຽນດ້ານຂໍ້ມູນຂ່າວສານ, ພ້ອມກັນກວດກາລາດຕະເວນປະຕິບັດຕາມກົດໝາຍ, ພ້ອມກັນແກ້ໄຂບັນຫາພົ້ນເດັ່ນໃນການປະຕິບັດໃຫ້ຖືກຕ້ອງຕາມລະບຽບ, ພ້ອມກັນຕໍ່ຕ້ານການກໍ່ອາຊະຍາກຳຂ້າມຊາດ, ພ້ອມກັນຮັບມືກັບເຫດການສຸກເສີນແລະອື່ນໆ.
