ເຂື່ອນໄຟຟ້າສະວີຈິນມຽນມາທີ່ບໍລິສັດໂຄງການສາກົນເກີໂຈ່ວປ້າຂອງຈີນຮັບເໝົາກໍ່ສ້າງນັ້ນເລີ່ມຜະລິດໄຟຟ້າແລ້ວ
(GMT+08:00) 2011-10-25 17:04:53 cri
ວັນທີ22ຕຸລານີ້,ກະຊວງໄຟຟ້າທີໜຶ່ງຂອງມຽນມາໄດ້ຈັດພິທີສະເຫຼີມສະຫຼອງຜົນສຳເລັດໃນການກໍ່ສ້າງເຂື່ອນໄຟຟ້າສະວີຈິນແຂວງປາກູຊຶ່ງແມ່ນບໍລິສັດໂຄງການສາກົນເກີໂຈ່ວປ້າຂອງຈີນເປັນຜູ່ຮັບເໝົາກໍ່ສ້າງ,ປະຈຸບັນ,ເຂື່ອນໄຟຟ້າແຫ່ງນີ້ໄດ້ເລີ່ມຜະລິດກະແສໄຟຟ້າແລະດຳເນີນທຸລະກິດສະໜອງກະແສໄຟຟ້າຢ່າງເປັນທາງການແລ້ວ.
ເຂື່ອນໄຟຟ້າສະວີຈິນແມ່ນກະຊວງໄຟຟ້າທີໜຶ່ງຂອງມຽນມາເປັນຜູ່ລົງທຶນ,ແລະບໍລິສັດໂຄງການສາກົນເກີໂຈ່ວປ້າຈີນເປັນຜູ່ຊະນະໃນການປະມູນໃນເດືອນກັນຍາປີ2007ແລ້ວເປັນຜູ່ຮັບຜິດຊອບວຽກງານການອອກແບບແລະສະໜອງອຸປະກອນກົນຈັກຜະລິດໄຟຟ້າ,ພ້ອມດ້ວຍໃຫ້ການຊີ້ນຳທາງດ້ານເຕັກນິກ.ເຂື່ອນໄຟຟ້າສະວີຈິນໄດ້ຕິດຕັ້ງເຄື່ອງຈັກຜະລິດໄຟຟ້າ4ໜ່ວຍຊຶ່ງມີຄວາມສາມາດການຜະລິດໄຟຟ້າຂະໜາດ7ໝື່ນ5000ກິໂລວັດ.
ໃນເວລາກ່າວຄຳປາໃສໃນພິທີດັ່ງກ່າວ,ທ່ານອູໂຈມິນ ລັດຖະມົນຕີວ່າການກະຊວງໄຟຟ້າທີໜຶ່ງຂອງມຽນມາກ່າວວ່າ,ເຂື່ອນໄຟຟ້າສະວີຈິນແມ່ນເຂື່ອນໄຟຟ້າແຫ່ງທີ17ທີ່ໄດ້ເຊື່ອມຕໍ່ກັບເຄືອຂ່າຍໄຟຟ້າແຫ່ງຊາດມຽນມາ.ເຂື່ອນໄຟຟ້າດັ່ງກ່າວສ້າງສຳເລັດບໍ່ພຽງແຕ່ຈະຊຸກຍູ້ການພັດທະນາອຸດສາຫະກຳຂອງແຂວງປາກູຢ່າງແຂງແຮງເທົ່ານັ້ນ,ຍັງຈະມີຜົນດີຕໍ່ການພັດທະນາຂອງທົ່ວປະເທດມຽນມາອີກດ້ວຍ.
