 |
|
|
|||
| |
 |
|
||||||
 |
||
|
||
|
||
|
||
|
||
|
ຕາມຂ່າວCRI: ວັນທີ 25 ຕຸລານີ້, ວິທະຍຸມິດຕະພາບຈີນ-ກຳປູເຈຍທີ່ຢູ່ຊຽມຣຽບ ເຊິ່ງເປັນວິທະຍຸFMແຫ່ງທີ 2 ທີ່ວິທະຍຸສາກົນແຫ່ງປະເທດຈີນ ກັບ ວິທະຍຸແຫ່ງຊາດກຳປູເຈຍຮ່ວມມືສ້າງນັ້ນໄດ້ເລິ່ມອອກອາກາດຢ່າງເປັນທາງການຢູ່ເມືອງຊຽມຣຽບ ເຊິ່ງເປັນແຂວງທ່ອງທ່ຽວທີ່ມີຊື່ສຽງຂອງກຳປູເຈຍ.
ຜູ່ຕາງໜ້າສອງຝ່າຍພ້ອມກັນກົດປຸ່ມວິທະຍຸມິດຕະພາບເລິ່ມອອກອາກາດ
ທ່ານທຽນຊີ້ນ ຮອງຫົວໜ້າກົມໃຫຍ່ວິທະຍຸ ຮູບເງົາແລະໂທລະພາບແຫ່ງຊາດຈີນ, ທ່ານພ່ານກວາງເຊ ເອກອັກຄະລັດຖະທູດຈີນປະຈຳກຳປູເຈຍ, ທ່ານຄ່ຽວ ການນາຣິດ ລັດຖະມົນຕີວ່າການກະຊວງຖະແຫຼງຂ່າວກຳປູເຈຍ, ທ່ານຊູ ພິຣູມເຈົ້າແຂວງຊຽມຣຽບກຳປູເຈຍ, ພ້ອມທັງຜູ່ແທນຮ້ອຍກວ່າຄົນ ເຊັ່ນ, ອຳນາດການປົກຄອງທ້ອງຖິ່ນ, ສື່ມວນຊົນຈີນ ແລະ ກຳປູເຈຍ ແລະ ຜູ່ຕາງໜ້າຊາວຈີນຢູ່ກຳປູເຈຍໄດ້ເຂົ້າຮ່ວມພິທີເລິ່ມອອກອາກາດຂອງວິທະຍຸມິດຕະພາບຈີນ-ກຳປູເຈຍທີ່ຊຽມຣຽບຄັ້ງນີ້.
ລັດຖະມົນວ່າການກະຊວງຖະແຫຼງຂ່າວກຳປູເຈຍກ່າວຄຳປາໄສໃນພິທີ
ທ່ານຄ່ຽວ ການນາຣິດ ລັດຖະມົນຕີວ່າການກະຊວງຖະແຫຼງຂ່າວກຳປູເຈຍກ່າວວ່າ, ວິທະຍຸມິດຕະພາບຈີນ-ກຳປູເຈຍທີ່ຊຽມຣຽບເລິ່ມອອກອາກາດຢ່າງເປັນທາງການ ບໍ່ພຽງແຕ່ໄດ້ຕອບສະໜອງຄວາມຕ້ອງການຕໍ່ການແລກປ່ຽນຈຳນວນຫຼວງຫຼາຍໃນຂົງເຂດຕ່າງໆລະຫວ່າງກຳປູເຈຍກັບຈີນເທົ່ານັ້ນ, ຍັງເປັນການຕອບສະໜອງຄວາມຕ້ອງການໃນການຮັບຮູ້ຂໍ້ມູນຂ່າວສານ ແລະ ຍົກສູງຄຸນສົມບັດຂອງພົນລະເມືອງທ້ອງຖິ່ນ, ຊຸກຍູ້ການຮ່ວມມືລະຫວ່າງສື່ມວນຊົນສອງປະເທດໃນໄລຍະໃໝ່ໃຫ້ຂຶ້ນສູ່ລະດັບສູງ.
ວັນທີ 11 ທັນວາປີ2008, ວິທະຍຸມິດຕະພາບຈີນ-ກຳປູເຈຍທີ່ຢູ່ພະນົມເປັນ ເຊິ່ງເປັນວິທະຍຸມິດຕະພາບຈີນ-ກຳປູເຈຍແຫ່ງທຳອິດ ໄດ້ເລິ່ມອອກອາກາດ. ວິທະຍຸມິດຕະພາບຈີນ-ກຳປູເຈຍມີຈຸດປະສົງໃນການເຜີຍແຜ່ຂໍ້ມູນຂ່າວສານ, ຊຸກຍູ້ຄວາມເຂົ້າໃຈກັນ ແລະ ລົງເລິກມິດຕະພາບ, ແຕ່ລະມື້ ນຳສະເໜີລາຍການດ້ວຍພາສາກຳປູເຈຍ, ພາສາຈີນກາງ, ພາສາໄຕ້ໂຈ່ວ ແລະ ພາສາອັງກິດເປັນເວລາ 18 ຊົ່ວໂມງ.
ຄຳອະທິບາຍຕໍ່ຮູບຖ່າຍ:
ຜູ້ຕາງໜ້າສອງຝ່າຍພ້ອມກັນຍົກຈອກ ສະເຫຼີມສະຫຼອງ
 |
 |
| © China Radio International.CRI. All Rights Reserved. 16A Shijingshan Road, Beijing, China. 100040 |