ງານວາງສະແດງສິນຄ້າຈີນອາຊຽນຄັ້ງທີ 8 ໄດ້ຮັບຜົນສຳເລັດອັນຈົບງາມ
(GMT+08:00) 2011-10-27 11:38:32 cri
ຕາມຂ່າວ cri: ງານວາງສະແດງສິນຄ້າຈີນອາຊຽນຄັ້ງທີ 8 ທີ່ຈັດຂຶ້ນຢູ່ນະຄອນນານນິງຂອງຈີນໄດ້ປິດລົງໃນຕອນບ່າຍວັນທີ 26 ຕຸລານີ້ດ້ວຍຜົນສຳເລັດອັນຈົບງາມ.
ຂ່າວແຈ້ງວ່າ,ວິສາຫະກິດທີ່ເຂົ້າຮ່ວມງານວາງສະແດງສິນຄ້າເທື່ອນີ້ແມ່ນດີກວ່າທຸກຄັ້ງທີ່ຜ່ານມາທາງຂະຫນາດແລະຄຸນນະພາບ.ງານວາງສະແດງຄັ້ງນີ້ໄດ້ຈັດໃຫ້ມີຮ້ານວາງສະແດງເຖິງ 4700 ຮ້ານ, ມີບໍລິສັດ 2300 ແຫ່ງໄດ້ເຂົ້າຮ່ວມ, ຫລາຍກວ່າຄັ້ງຜ່ານມາ 4,6%.ນັບມາຮອດເວລາ 16 ໂມງຂອງວັນທີ 26 ຕຸລານີ້, ຍອດມູນຄ່າການຄ້າມີເຖິງ 1 ຕື້ 7 ຫມື່ນໂດລາ, ຫລາຍກວ່າຄັ້ງຜ່ານມາ 5,6%. ໄດ້ເຊັນໂຄງການຮ່ວມມືເສດຖະກິດສາກົນ 105 ໂຄງການ, ເຊິ່ງມີຍອດມູນຄ່າການລົງທຶນ 7 ຕື້ 420 ລ້ານໂດລາ, ຫລາຍກວ່າຄັ້ງຜ່ານມາ 10,86%.
ນອກນີ້, ໃນໄລຍະຈັດງານວາງສະແດງ,ຍັງໄດ້ຈັດໃຫ້ມີກອງປະຊຸມແລະກິດຈະກຳແລກປ່ຽນໃນທຸກຂົງເຂດຫລາຍໆເທື່ອ, ໄດ້ຊຸກຍູ້ການຮ່ວມມືແລະແລກປ່ຽນລະຫວ່າງຈີນກັບບັນດາປະເທດອາຊຽນຢ່າງຮອບດ້ານ,ແລະໄດ້ປະກອບສ່ວນເປັນຢ່າງດີໃນການລົງເລິກການຮ່ວມມືໃນພາກພື້ນ,ບັນລຸໃຫ້ການຕ່າງຝ່າຍຕ່າງໄດ້ຮັບຜົນປະໂຫຍດ.
ໃນພິທີປິດງານວາງສະແດງຄັ້ງນີ້, ຄະນະຮັບຜິດຊອບການຈັດງານຍັງໄດ້ແຈ້ງວ່າ,ຫົວຂໍ້ຂອງງານວາງສະແດງສິນຄ້າຈີນອາຊຽນຄັ້ງທີ 9 ຈະແມ່ນການຮ່ວມມືດ້ານວິທະຍາສາດເຕັກນິກ, ມຽນມາຈະກາຍເປັນປະເທດກຽດຕິບົດຂອງງານວາງສະແດງຄັ້ງຕໍ່ໄປ.
