ປະທານປະເທດຫວຽດນາມຢ້ຽມຢາມຟີລິບປິນ
(GMT+08:00) 2011-10-27 17:21:26 cri
ຕາມຂ່າວສານຈີນ: ໂດຍຕອບສະໜອງຕາມຄຳເຊີນຂອງທ່ານເບນິກໂນ ຊີມອນ ອາກີໂນ3, ປະທານາທິບໍດີຟີລິບປິນ, ວັນທີ26ຕຸລານີ້,ທ່ານເຈືອງຕັນຊາງ, ປະທານປະເທດຫວຽດນາມໄດ້ເດີນທາງໄປຢ້ຽມຢາມຟີລິບປິນ ທາງລັດຖະກິດເປັນເວລາ3ວັນ. ມື້ດຽວກັນ, ຟີລິບປິນໄດ້ເຊັນສັນຍາ4ສະບັບກັບຫວຽດນາມ,ປະມຸກລັດທັງສອງປະເທດໄດ້ຢືນຢັນໃນກອງປະຊຸມຂ່າວຮ່ວມວ່າໃນການເຈລະຈາໄດ້ເວົ້າເຖິງບັນຫາທະເລຈີນໃຕ້.
ຕອນບ່າຍມື້ດຽວກັນ,ທ່ານເບນິກໂນ ອາກີໂນແລະທ່ານເຈືອງເຕິນຊາງໄດ້ເຂົ້າຮ່ວມພິທີລົງນາມໃນສັນຍາລະຫວ່າງສອງປະເທດ4ສະບັບ,ສັນຍາເຫຼົ່ານີ້ລວມທັງ "ແຜນດຳເນີນງານຟີລິບປິນ-ຫວຽດນາມ2011-2016"; ແຜນຮ່ວມມືດ້ານການທ່ອງທ່ຽວລະຫວ່າງຟີລິບປິນ-ຫວຽດນາມ; ບົດບັນທຶກຊ່ວຍຈຳຄວາມເຂົ້າໃຈກັນໃນດ້ານການຊ່ວຍເຫຼືອແລະຮ່ວມມືກັນແລະຊົມໃຊ້ຂໍ້ມູນຂ່າວສານຮ່ວມກັນລະຫວ່າງກອງທັບເຮືອຟີລິບປິນຫວຽດນາມ; ກອງປ້ອງກັນຊາຍຝັ່ງທະເລຂອງຟີລິບປິນສ້າງກົນໄກໂທລະສັບສາຍດ່ວນກັບຕຳຫຼວດເທິງທະເລຂອງຫວຽດນາມ.
