ຕາມຂ່າວສານຊິນຮວາ: ວັນທີ 26 ຕຸລານີ້, ທ່ານພັນເອກຢາງອີຈຸ່ນ ໂຄສົກກະຊວງປ້ອງກັນປະເທດຈີນປະກາດວ່າ, ກອງປະຊຸມເທື່ອທຳອິດຂອງໜ່ວຍງານຜູ່ຊ່ຽວຊານກ່ຽວກັບການຊ່ວຍເຫຼືອທາງດ້ານມະນຸດສະທຳແລະກູ້ໄພຂອງກອງປະຊຸມເປີດກວ້າງລັດຖະມົນຕີປ້ອງກັນປະເທດອາຊຽນໄດ້ໄຂຂຶ້ນຢູ່ທີ່ປັກກິ່ງ.
ທ່ານຢາງອີຈຸ່ນກ່າວວ່າ, ໃນຖານະທີ່ເປັນປະເທດປະທານຮ່ວມຂອງໜ່ວຍງານຜູ່ຊ່ຽວຊານກ່ຽວກັບການຊ່ວຍເຫຼືອທາງດ້ານມະນຸດສະທຳແລະກູ້ໄພ, ກະຊວງປ້ອງກັນປະເທດຂອງຈີນແລະຫວຽດນາມຈະຮ່ວມກັນເປັນຜູ່ຈັດກອງປະຊຸມຄັ້ງນີ້. ຫົວຂໍ້ຂອງກອງປະຊຸມແມ່ນລວມທັງ: ປະເທດຕ່າງໆແນະນຳສະພາບຊ່ວຍເຫຼືອທາງດ້ານມະນຸດສະທຳແລະກູ້ໄພ,ແລກປ່ຽນບົດຮຽນຮ່ວມມືສາກົນທີ່ມີທະຫານເຂົ້າຮ່ວມການຊ່ວຍເຫຼືອມະນຸດສະທຳແລະກູ້ໄພ, ຫາລືຂົງເຂດຮ່ວມມືກ່ອນໝູ່ ແລະ ຂໍ້ລິເລິ່ມຮ່ວມມືໃນການປະຕິບັດຕົວຈິງພາຍໃຕ້ກົນໄກກອງປະຊຸມເປີດກວ້າງລັດຖະມົນຕີປ້ອງກັນປະເທດອາຊຽນ.
ຜູ່ຮ່ວມປະຊຸມຈະມາຈາກ 10 ປະເທດອາຊຽນ, ອົສຕຼາລີ, ຈີນ, ອິນເດຍ,ຍີ່ປຸ່ນ, ນູແວນເຊລັງ, ຣັດເຊຍ, ສ.ເກົາຫຼີ ແລະ ອາເມລິກາ.
