ຕາມຂ່າວສານຊິນຮວາ: ວັນທີ 27 ຕຸລານີ້, ທ່ານນາງຍິ່ງລັກ ຊີນນະວັດ ນາຍົກລັດຖະມົນຕີໄທຮຽກຮ້ອງໃຫ້ປະຊາຊົນຍ້າຍອອກຈາກນະຄອນຫຼວງບາງກອກໂດຍໄວ,ເພື່ອຫີຼກເວັ້ນບໍ່ໃຫ້ຮັບຜົນກະທົບທີ່ຮ້າຍແຮງ ແລະ ເປັນການຫຼຸດຜ່ອນພາລະຂອງໜ່ວຍກູ້ໄພໃຫ້ເບົາບາງລົງ.
ບ່ອນລີ້ໄພທີ່ຢູ່ໃນວັດວາອາຮາມ
ຫຼັງກອງປະຊຸມຄະນະລັດຖະບານ, ທ່ານນາງຍິ່ງລັກເວົ້າຕໍ່ສື່ມວນຊົນວ່າ, ນະຄອນຫຼວງບາງກອກພວມຢູ່ໃນໄລຍະທີ່ອັນຕະລາຍທີ່ສຸດ, ນ້ຳອາດຈະຖ້ວມໄປທົ່ວນະຄອນຫຼວງບາງກອກ, ປະຊາຊົນຄວນຖອນອອກໄປໂດຍໄວ. ລັດຖະບານໄທໄດ້ຈັດບ່ອນຢູ່ອາໃສໃຫ້ຜູ່ປະສົບໄພຢູ່ທີ່ຈັດຫວັດລົບບຸຣີ ແລະ ຊົນບຸຣີ.
ບ່ອນລີ້ໄພທີ່ຢູ່ໃນໂຮງຮຽນ
ຢູ່ສະຖານີລົດເມໂດຍສານທາງໄກບາງກອກ ແລະ ສະໜາມບິນສຸວັນນະພຸມເຕັມໄປດ້ວຍປະຊາຊົນທີ່ກຽມເຄື່ອນຍ້າຍອອກໄປ, ລົດເມໂດຍສານທາງໄກຂາດທີ່ນັ່ງ. ຢູ່ພັດທະຍາ ແຫ່ຼງທ່ອງທ່ຽວທີ່ມີຊື່ສຽງ ທີ່ຫ່າງຈາກນະຄອນຫຼວງບາງກອກໄປທາງທິດຕາເວັນອອກສຽງໃຕ້ 147 ກິໂລແມັດນັ້ນ, ໂຮງແຮມໄດ້ຖືກຈອງໝົດແລ້ວ. ເຈົ້າໜ້າທີ່ກົມທ່ອງທ່ຽວໄທກ່າວວ່າ, ໂຮງແຮມທັງໝົດຢູ່ແຫ່ງນັ້ນລ້ວນແຕ່ຫຼຸດລາຄາ 50%--70%, ເພື່ອໃຫ້ປະຊາຊົນບາງກອກສາມາດເຂົ້າຢູ່ອາໃສເປັນເວລາປະມານ3-4ອາທິດ,ຈົນນ້ຳຈະບົກລົງ. ສູນກູ້ໄພນ້ຳຖ້ວມໄທຄາດວ່າ, ໃນ 2 ມື້ຂ້າງໜ້າ, ລະດັບນ້ຳຂຢູ່ຕາມລຳແມ່ນ້ຳໃນນະຄອນຫຼວງບາງກອກຍັງຈະສູງຂຶ້ນຢ່າງຕໍ່ເນື່ອງ.
