ທະຫານໄທ9ຄົນຮັບການສືບສວນຍ້ອນກ່ຽວພັນເຖິງຄະດີທີ່ລູກເຮືອຈີນຖືກຫຼອນໂຈມຕີຢູ່ຕາມລຳແມ່ນ້ຳຂອງ
(GMT+08:00) 2011-10-29 14:08:44 cri
ວັນທີ 28 ຕຸລານີ້,ພົນຕຳຫຼວດເອກ ພຽວພັນ ພິວພັນ ດາມາພົງ,ຜູ່ບັນຊາການກົມຕຳຫຼວດແຫ່ງຊາດໄທກ່າວວ່າ,ທະຫານ 9 ຄົນຂອງເຂດທະຫານທີສາມກອງທັບບົກໄທທີ່ຮັບຜິດຊອບວຽກງານປ້ອງກັນທາງພາກເຫນືອຂອງໄທພວມຮັບການສືບສວນຍ້ອນກ່ຽວພັນເຖິງຄະດີທີ່ລູກເຮືອຈີນຖືກຫຼອນໂຈມຕີຢູ່ຕາມລຳແມ່ນ້ຳຂອງໃນວັນທີ5 ຕຸລານີ້.
ຕອນບ່າຍມື້ດຽວກັນ, ໃນເວລາທ່ານພຽວພັນໃຫ້ສຳພາດຕໍ່ສື່ມວນຊົນ ຫຼັງຈາກພົບປະເຈລະຈາກັບທ່ານຈ່າງຊິ່ນເຝິ່ງ,ລັດຖະມົນຕີຊ່ອຍວ່າການກະຊວງປ້ອງກັນຄວາມສະຫງົບຈີນ,ທ່ານກ່າວວ່າ,ການກະທຳຂອງທະຫານ 9 ຄົນເຫຼົ່ານີ້ພຽງແຕ່ແມ່ນການກະທຳສ່ວນບຸກຄົນເທົ່ານັ້ນ,ບໍ່ກ່ຽວຂ້ອງກັບກອງທັບແລະຝ່າຍທາງການຂອງໄທ.
ວັນທີ28 ຕຸລານີ້,ທ່ານຈ່າງຊິ່ນເຝີ່ງກ່າວວ່າ, ຄະດີທີ່ລູກເຮືອຈີນຖືກຫຼອນໂຈມຕີຢູ່ຕາມລຳແມ່ນ້ຳຂອງໄດ້ຖືກແກ້ໄຂໂດຍພື້ນຖານແລ້ວ,ຜູ່ຕ້ອງຫາ 9 ຄົນໄດ້ຮັບການສືບສວນ.ທ່ານກ່າວວ່າ,ຄະດີດັ່ງກ່າວຈະເຂົ້າສູ່ລະບຽບການຕຸລາການໂດຍໄວ,ຄຽງຄູ່ກັບການສືບສວນກ້າວສູ່ລວງເລິກ,ຈະສາມາດປະກົດເຫັນສະພາບລະອຽດຫຼາຍກວ່າເກົ່າ.ຈີນຈະສືບຕໍ່ປະສານສົມທົບວຽກງານຂອງໄທ,ກະຊວງປ້ອງກັນຄວາມສະຫງົບຈະຈັດວາງຫນ່ວຍງານຜູ່ຊ່ຽວຊານເພື່ອຊ່ອຍເຫຼືອການສືບສວນ.
