ຕອນເຊົ້າວັນທີ 29 ຕຸລານີ້, ເຈົ້າໜ້າທີ່ລັດຖະບານຈີນທີ່ເດີນທາງໄປປະເທດໄທໄດ້ພົບປະທ່ານສະເຫຼີມ ຢູ່ບຳລຸງ ຮອງນາຍົກລັດຖະມົນຕີດ້ານຄວາມໝັ້ນຄົງຂອງໄທຕາມນັດ, ເຈົ້າໜ້າທີ່ລັດຖະບານຈີນກ່າວວ່າ ຫວັງໃຫ້ຝ່າຍໄທເລັ່ງລັດປະຕິບັດລະບຽບການທາງດ້ານກົດໝາຍທີ່ກ່ຽວຂ້ອງ, ໃນການລົງໂທດຕໍ່ຜູ່ກໍ່ອາຊະຍະໃນເຫດການ" 5 ຕຸລາ"ຢ່າງເຂັ້ມງວດຕາມກົດໝາຍ.
ທ່ານກົວຊ້າວຊຸ່ນ ຫົວໜ້າເຈົ້າໜ້າທີ່ລັດຖະບານຈີນ, ຮອງຫົວໜ້າພະແນກກົງສຸນທັງເປັນຫົວໜ້າສູນປົກປ້ອງກົງສຸນຂອງກະຊວງການຕ່າງປະເທດຈີນໄດ້ກ່າວຢັ້ງຢືນເຖິງຄວາມຄືບໜ້າໃນການແກ້ໄຂເຫດການກ່ຽວກັບລູກເຮືອຈີນຖືກຍິງຕາຍຢູ່ແມ່ນ້ຳຂອງວ່າຝ່າຍໄທໄດ້ໃຫ້ການຮ່ວມມືປະຕິບັດຢ່າງເຕັມທີ່, ຫວັງໃຫ້ໄທສືບຕໍ່ອອກແຮງຊຸກຍູ້ວຽກງານການສຳຫຼວດ, ແລະລົງໂທດຕໍ່ຜູ່ກໍ່ອາຊະຍາກຳຢ່າງເຂັ້ມງວດ,ແລະປະສານສົມທົບກັບຝ່າຍຈີນແກ້ໄຂບັນຫາທີ່ຍັງຄົງຄ້າງຂອງເຫດການຢ່າງເໝາະສົມ.
ວັນທີ 28 ຕຸລານີ້, ທ່ານຈ່າງຊີ່ນເຟີ່ງ ລັດຖະມົນຕີຊ່ວຍວ່າການກະຊວງປ້ອງກັນປະເທດຈີນກ່າວວ່າ, ຂໍ້ມູນຫຼັກຖານຄະດີກ່ຽວກັບລູກເຮືອຈີນປະສົບເຄາະຮ້າຍໄດ້ສຳເລັດໃນຂັ້ນພື້ນຖານແລ້ວແລະຜູ່ກະທຳຜິດ 9 ຄົນໄດ້ຖືກຈັບແລ້ວ. ຄະດີຈະເຂົ້າສູ່ລະບຽບການທາງກົດໝາຍໃນໄວໆນີ້.
