 |
|
|
|||
| |
 |
|
||||||
 |
||
|
||
|
||
|
||
|
||
|
ຕາມຂ່າວCRI:ວັນທີ 4 ພະຈິກນີ້,ຢູ່ສູນກາງພັກປະຊາຊົນປະຕິວັດລາວ,ທ່ານຈູມມະລີ ໄຊຍະສອນ,ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ,ປະທານປະເທດລາວໄດ້ຕ້ອນຮັບການເຂົ້າພົບຂອງທ່ານຫຼີວຊີ,ກຳມະການກົມການເມືອງສູນກາງພັກກອມມູນິດຈີນ,ເລຂາຄະນະພັກນະຄອນປັກກິ່ງພ້ອມດ້ວຍຄະນະ.
ທ່ານຈູມມະລີ ໄຊຍະສອນ,ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ,ປະທານປະເທດລາວໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານຫຼີວຊີ,ກຳມະການກົມການເມືອງສູນກາງພັກກອມມູນິດຈີນ,ເລຂາຄະນະພັກນະຄອນປັກກິ່ງພ້ອມດ້ວຍຄະນະ
ໃນເວລາຕ້ອນຮັບການເຂົ້າພົບ,ທ່ານຈູມມະລີກ່າວວ່າ,ພັກແລະລັດຖະບານລາວຖືຈີນເປັນຄູ່ຍຸດທະສາດຍາວນານແຕ່ຕົ້ນຕະຫຼອດປາຍ,ຍິນດີພະຍາຍາມສຸດຂີດເພື່ອເພີ່ມທະວີການຮ່ວມມືກັບສະຫາຍຈີນ,ເຮັດໃຫ້ມິດຕະພາບທີ່ມີມູນເຊື້ອລະຫວ່າງລາວກັບຈີນແຕກດອກອອກຜົນຢ່າງບໍ່ຢຸດຢັ້ງ.
ທ່ານຈູມມະລີ ໄຊຍະສອນ,ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ,ປະທານປະເທດລາວໄດ້ພົບປະເຈລະຈາກັບຄະນະຜູ້ແທນສູນກາງພັກກອມມູນິດຈີນ
ທ່ານຫຼີວຊີກ່າວວ່າ,ຜ່ານການຢ້ຽມຢາມເທື່ອນີ້,ຫວັງວ່າຈະຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງຈີນກັບລາວໃຫ້ຂະຫຍາຍໄປລົງສູ່ລວງເລິກ,ໂດຍສະເພາະແມ່ນຊຸກຍູ້ການຮ່ວມມືມິດຕະພາບລະຫວ່າງນະຄອນປັກກິ່ງກັບແຂວງແລະເມືອງຕ່າງໆຂອງລາວໃຫ້ຂະຫຍາຍໄປລົງສູ່ລວງເລິກຕື່ມອີກ.
ຈັດພິທີເຊັນສັນຍາລະຫວ່າງສະພາການຄ້າແລະອຸດສາຫະກຳແຫ່ງຊາດລາວກັບຄະນະກຳມະການສົ່ງເສີມການຄ້າສາກົນນະຄອນປັກກິ່ງ
ຄະນະຜູ້ແທນມິດຕະພາບພັກກອມມູນິດຈີນເຊິ່ງນຳໂດຍທ່ານຫຼີວຊີແມ່ນເດີນທາງມາຮອດນະຄອນຫຼວງວຽງຈັນໃນວັນທີ 3 ພະຈິກນີ້.ໃນຕອນເຊົ້າວັນທີ 4 ພະຈິກນີ້,ທ່ານຫຼີວຊີພ້ອມດ້ວຍຄະນະໄດ້ໄປຊົມງານວາງສະແດງຮູບພາບທີ່ມີຫົວຂໍ້ວ່າ"ສະເໜ່ຂອງປັກກິ່ງ",ໂດຍມີທ່ານອາຊາງ ລາວລີ,ກຳມະການກົມການເມືອງສູນກາງພັກປະຊາຊົນປະຕິວັດລາວ,ທ່ານນາງປູຈ້ຽນກົວ,ເອກອັກຄະລັດຖະທູດຈີນປະຈຳລາວແລະທ່ານສຸກັນ ມະຫາລາດ,ເຈົ້າຄອງນະຄອນຫຼວງວຽງຈັນໃຫ້ກຽດເຂົ້າຮ່ວມ.
ພິທີເປີດ ງານວາງສະແດງຮູບພາບທີ່ມີຫົວຂໍ້ວ່າ"ສະເໜ່ຂອງປັກກິ່ງ"
ນອກຈາກນັ້ນ,ທ່ານຫຼີວຊີແລະທ່ານສຸກັນ ມະຫາລາດຍັງໄດ້ເຂົ້າຮ່ວມພິທີເຊັນສັນຍາລະຫວ່າງສະພາການຄ້າແລະອຸດສາຫະກຳແຫ່ງຊາດລາວກັບຄະນະກຳມະການສົ່ງເສີມການຄ້າສາກົນນະຄອນປັກກິ່ງ.
 |
 |
| © China Radio International.CRI. All Rights Reserved. 16A Shijingshan Road, Beijing, China. 100040 |