ສະມາຄົມສົ່ງເສີມການຄ້າປັກກິ່ງແລະສະພາການຄ້າແລະອຸດສາຫະກຳແຫ່ງຊາດລາວເຊັນສັນຍາຮ່ວມມືຢ່າງມີໄມຕີຈິດມິດຕະພາບ
(GMT+08:00) 2011-11-07 16:00:41 cri
ຕາມຂ່າວສານຊິນຮວາ,ສະມາຄົມສົ່ງເສີມການຄ້ານະຄອນຫຼວງປັກກິ່ງແລະສະພາການຄ້າແລະອຸດສາຫະກຳແຫ່ງຊາດລາວໄດ້ເຊັນສັນຍາຮ່ວມມືຢ່າງມີໄມຕີຈິດມິດຕະພາບໃນວັນທີ4ພະຈິກນີ້ຢູ່ນະຄອນຫຼວງວຽງຈັນຂອງລາວ.ທ່ານລິວສີ ກຳມະການກົມການເມືອງສູນກາງພັກກອມມູນິດຈີນ ເລຂາຄະນະພັກນະຄອນຫຼວງປັກກິ່ງແລະທ່ານສຸກັນ ມະຫາລາດ ກຳມະການສູນກາງພັກປະຊາຊົນປະຕິວັດລາວ, ເລຂາຄະນະພັກ ທັງເປັນເຈົ້າຄອງນະຄອນຫຼວງວຽງຈັນໄດ້ເຂົ້າຮ່ວມພິທີລົງນາມ.
ທ່ານນີເຢ້ກ່າງ ຮອງປະທານສະມາຄົມສົ່ງເສີມການຄ້ານະຄອນຫຼວງປັກກິ່ງກ່າວວ່າ,ສະພາການຄ້າແລະອຸດສາຫະກຳແຫ່ງຊາດລາວແມ່ນອົງການການຄ້າທີ່ໃຫຍ່ທີ່ສຸດແລະເປັນຕົວແທນຂອງວົງການອຸດສາຫະກຳການຄ້າຂອງລາວ.ສະມາຄົມສົ່ງເສີມການຄ້າປັກກິ່ງກັບສະມາຄົມອຸດສາຫະກຳການຄ້າແຫ່ງຊາດລາວເຊັນສັນຍາໃນຄັ້ງນີ້ຈະເປັນການເປີດຊ່ອງທາງໃໝ່ໃຫ້ແກ່ວົງການອຸດສາຫະກຳການຄ້າປັກກິ່ງແລະລາວໃນການຮ່ວມມືກັນແບບຕ່າງຝ່າຍຕ່າງມີຜົນປະໂຫຍດ,ສ້າງເວທີໃໝ່ໃຫ້ແກ່ການແລກປ່ຽນແລະຮ່ວມມືກັນທາງດ້ານການຄ້າລະຫວ່າງສອງຝ່າຍ.
ວັນທີ2ພະຈິກນີ້,ສະມາຄົມສົ່ງເສີມການຄ້ານະຄອນຫຼວງປັກກິ່ງຍັງໄດ້ຈັດກິດຈະກຳແນະນຳສິນຄ້າຈີນຢູ່ສະພາການຄ້າແລະອຸດສາຫະກຳແຫ່ງຊາດລາວ,ທ່ານກິດສະໜາ ວົງໄຊ ປະທານສະພາການຄ້າແລະອຸດສາຫະກຳແຫ່ງຊາດລາວພ້ອມດ້ວຍສະມາຊິກສະພາການຄ້າແລະອຸດສາຫະກຳແຫ່ງຊາດລາວກໍ່ໄດ້ເຂົ້າຮ່ວມເຊັ່ນດຽວກັນ.
