ໄພນ້ຳຖ້ວມທີ່ເກີດຂຶ້ນຢູ່ໄທເຮັດໃຫ້ຈຳນວນຜູ້ເສຍຊີວິດເພີ່ມຂຶ້ນຮອດ 506ຄົນ
(GMT+08:00) 2011-11-07 17:44:47 cri
ວັນທີ6ພະຈິກນີ້, ຫ້ອງການຕ້ານໄພພິບັດແລະບັນເທົາສາທາລະນະໄພກະຊວງມະຫາດຂອງໄທໄດ້ປະກາດຕົວເລກສະຖິຕິໂດຍສະແດງໃຫ້ເຫັນວ່າ, ໄທໄດ້ຢືນຢັນແລ້ວວ່າມີ506ຄົນໄດ້ເສຍຊີວິດຍ້ອນໄພນ້ຳຖ້ວມທີ່ແກ່ຍາວມາເປັນເວລາ 3ເດືອນກວ່າແລ້ວ, ຈຳນວນຜູ້ເສຍຊີວິດທີ່ປະກາດໃນວັນທີ6ພະຈິກນີ້ໄດ້ເພີ່ມຂຶ້ນຈາກວັນທີ5ພະຈິກຫຼາຍກວ່າ60ຄົນແລະຈຳນວນຜູ້ຫາຍສາບສູນຍັງແມ່ນ2ຄົນ.
ຫ້ອງການດັ່ງຍັງແຈ້ງວ່າ, ໄພນ້ຳຖ້ວມທີ່ເລີ່ມເກີດຂຶ້ນມາແຕ່ເດືອນກໍລະກົດຂອງປີນີ້ໄດ້ທຳລາຍເຖິງ64ຈັງຫວັດໃນ 77ຈັງຫວັດຂອງໄທ, ປະຈຸບັນ,ສະຖານະການຢູ່ໃນ39ຈັງຫວັດຂອງໄທໄດ້ຄ່ອຍໆດີຂຶ້ນແລ້ວ,ແລະໄດ້ເລີ່ມດຳເນີນການສ້າງສາຄືນໃໝ່ພາຍຫຼັງນ້ຳຖ້ວມ.ປະຈຸບັນ, ຍັງມີ25ຈັງຫວັດລວມທັງນະຄອນຫຼວງບາງກອກຂອງໄທຍັງຖືກນ້ຳຖ້ວມ,ປະຊາກອນຫຼາຍກວ່າ3ລ້ານຄົນໄດ້ຮັບຜົນກະທົບຈາກໄພນ້ຳຖ້ວມ.
