ປະຊາຊົນມຽນມາເຂົ້າສັກກາລະບູຊາອຸລັງຄະທາດບັນຈຸແຂ້ວຂອງພະພຸດທະເຈົ້າ
(GMT+08:00) 2011-11-08 11:55:33 cri
ຕາມຂ່າວສານຊິນຮວາ,ແຂ້ວຂອງພະພຸດທະເຈົ້າທີ່ບັນຈຸໃນອຸລັງຄະທາດຈາກວັດຫຼິງກວ່າງພູຊີ່ຊ່ານປັກກິ່ງຂອງຈີນໄດ້ປະດິດສະຖານຢູ່ວັດທາດອຸບປາຕະສັນຕິທີ່ຢູ່ໃຈກາງນະຄອນຫຼວງເນປີດໍຂອງມຽນມາໃນວັນທີ7ພະຈິກນີ້ເພື່ອໃຫ້ຊາວພຸດທະສາສະນິກະຊົນຂອງມຽນມາທຳການສັກກາລະບູຊາ.
ມື້ດຽວກັນ,ທ່ານອູ່ມິ່ນມ໋ອງ ລັດຖະມົນຕີວ່າການກະຊວງວຽກງານສາສະໜາມຽນມາໄດ້ພົບປະກັບທ່ານວາງໂຈ້ອ່ານ ຫົວໜ້າກົມວຽກງານສາສະໜາແຫ່ງຊາດຈີນແລ້ວໄດ້ໃຫ້ສຳພາດຕໍ່ນັກຂ່າວວ່າ:ມີຄວາມເຊື່ອໝັ້ນວ່າຜ່ານຈາກການແລກປ່ຽນທາງດ້ານພຸດທະສາສະໜາຄືການປະດິດສະຖານອຸລັງຄະທາດທີ່ບັນຈຸແຂ້ວຂອງພະພຸດທະເຈົ້າໃຫ້ຊາວພຸດທະສາສະນິກະຊົນທຳການສັກກາລະບູຊາ,ຍ່ອມຈະເພີ່ມທະວີມິດຕະພາບລະຫວ່າງສອງປະເທດແລະປະຊາຊົນສອງຊາດໃຫ້ແໜ້ນແຟ້ນຍິ່ງໆຂຶ້ນ.
