ອາຊຽນ+3ປຶກສາຫາລືການຮ່ວມມືໃນດ້ານສື່ມວນຊົນໃໝ່
(GMT+08:00) 2011-11-08 17:23:35 cri
ຕາມຂ່າວcri: ວັນທີ8ພະຈິກນີ້, ງານສຳມະນາການຮ່ວມມືທາງດ້ານສື່ມວນຊົນລະຫວ່າງບັນດາປະເທດອາຊຽນ,ຈີນ,ຍີ່ປຸ່ນແລະສ.ເກົາຫຼີຫຼື(10ບວກ3)ຄັ້ງທີ4ໄດ້ຈັດຂຶ້ນຢູ່ນະຄອນຈີນານແຂວງຊານຕຸ້ງຂອງຈີນ,ງານສຳມະນາເທື່ອນີ້ມີຫົວຂໍ້ວ່າ "ເພີ່ມທະວີສຽງຂອງອາຊີ,ພ້ອມກັນສ້າງອະນາຄົດທີ່ດີງາມ",ມີ80ກວ່າຄົນທີ່ມາຈາກສື່ມວນຊົນທີ່ສຳຄັນຂອງ10ປະເທດຂອງອາຊຽນ,ຈີນ,ຍີ່ປຸ່ນ,ສ.ເກົາຫຼີໄດ້ເຂົ້າຮ່ວມ.
ທ່ານຫວາງຈົງເຫວີຍ, ຮອງຫົວໜ້າຫ້ອງການຖະແຫຼງຂ່າວຂອງຄະນະລັດຖະບານຈີນກ່າວໃນກອງປະຊຸມວ່າ:ການພັດທະນາທີ່ຂະຫຍາຍຕົວໄວທາງດ້ານເຕັກນິກດ້ານອິນເຕີເນັດໄດ້ເຮັດໃຫ້ເກີດມີການປ່ຽນແປງຢ່າງເລິກເຊິ່ງໃນຂົງເຂດຖະແຫຼງຂ່າວຢູ່ພາກພື້ນ. ປະເທດຕ່າງໆຂອງອາຊີຄວນເພີ່ມທະວີການຮ່ວມມືທາງດ້ານສື່ມວນຊົນໃໝ່ຕື່ມອີກໂດຍຖືອິນເຕີເນັດເປັນສຳຄັນ,ໃນເວລາດຽວກັນກໍ່ຄວນຊຸກຍູ້ສ້າງຄວາມເຂົ້າໃຈກັນລະຫວ່າງປະຊາຊົນຢູ່ເຂດນີ້,ການເພີ່ມທະວີໄມຕີຈິດມິດຕະພາບເຊິ່ງກັນແລະກັນ,ໄດ້ສ້າງບັນຍາກາດທີ່ດີໃຫ້ແກ່ປະເທດຕ່າງໆໃນໂລກໃນການດຳເນີນການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ.
ທ່ານຮຽກຮ້ອງໃຫ້ສື່ມວນຊົນຢູ່ຂົງເຂດນີ້ລາຍງານປະຫວັດສາດແລະວັດທະນະທຳອັນເປັນມູນເຊື້ອຂອງປະເທດຕ່າງໆໃຫ້ຫຼາຍກວ່າເກົ່າ,ແລະຢືນຢັນຄວາມກ້າວໜ້າທາງດ້ານການພັດທະນາສັງຄົມຂອງປະເທດອື່ນໆໃຫ້ຫຼາຍກວ່າເກົ່າ,ສ້າງຄວາມເຂົ້າໃຈຢ່າງຈິງໃຈຕໍ່ປະເທດອື່ນໆໃຫ້ຫຼາຍກວ່າເກົ່າ,ສະແດງອອກຄວາມສາມາດທີ່ບົ່ມຊ້ອນແລະມາດຕະການອັນລະອຽດໃນດ້ານການຮ່ວມມືກັນໃຫ້ຫຼາຍກວ່າເກົ່າ.
