ເຄື່ອງຊ່ວຍເຫຼືອຈາກຈີນງວດໃໝ່ໃນການຕ້ານໄພນ້ຳຖ້ວມຢູ່ໄທໄດ້ຂົນສົ່ງໄປສູ່ປະເທດໄທແລ້ວ
(GMT+08:00) 2011-11-10 10:15:07 cri
ຕາມຂ່າວສານຊິນຮວາ, ວັນທີ9ພະຈິກນີ້, ກະຊວງການຄ້າຈີນແຈ້ງວ່າ, ເຄື່ອງຊ່ວຍເຫຼືອງວດໃໝ່ລວມມູນຄ່າປະມານ40ລ້ານຢວນ ທີ່ຈີນຊ່ວຍເຫຼືອໄທ ໄດ້ເລີ່ມຂົນສົ່ງຈາກສະໜາມບິນນະຄອນເຈິ້ນໂຈ່ວແລະສະໜາມບິນຜູຕົງນະຄອນຊຽງໄຮໄປສູ່ໄທແລ້ວດ້ວຍຍົນເໝົາລຳສອງລຳ. ເຄື່ອງຊ່ວຍເຫຼືອທີ່ລັດຖະບານຈີນຊ່ວຍເຫຼືອລັດຖະບານໄທໃນການຕ້ານໄພນ້ຳຖ້ວມຄັ້ງນີ້ລວມມີເຮືອ, ຈັກດູດນ້ຳ, ຈັກບຳບັດນ້ຳເປື້ອນ, ຢາຂ້າເຊື້ອພະຍາດແລະອື່ນໆ ທີ່ລັດຖະບານໄທມີຄວາມຕ້ອງການດ່ວນ.
