ບົດລາຍງານຂອງສະຫະປະຊາຊາດເຫັນວ່າໃນຕໍ່ໜ້າຫວຽດນາມຍັງມີໜ້າທີ່ອັນໜັກໜ່ວງໃນການຫຼຸດຜ່ອນຄວາມທຸກຍາກ
(GMT+08:00) 2011-11-10 14:44:46 cri
ຕາມຂ່າວສານຊິນຮວາ, ວັນທີ9ພະຈິກນີ້, ຢູ່ນະຄອນຫຼວງຮາໂນຍ, ໂຄງການສະຫະປະຊາຊາດເພື່ອການພັດທະນາ ຫຼື UNDPປະຈຳຮາໂນຍເປີດເຜີຍບົດລາຍງານວ່າດ້ວຍການພັດທະນາມະນຸດຂອງຫວຽດນາມປີ2011 ໂດຍເຫັນວ່າ, ເຖິງວ່າເສດຖະກິດຫວຽດນາມມີການພັດທະນາໄວສົມຄວນ ໄດ້ປັບປຸງຕົວເລກດັດສະນີພັດທະນາມະນຸດຂອງຫວຽດນາມໃຫ້ສູງຂຶ້ນກໍຕາມ, ແຕ່ອັດຕາປະຊາກອນຜູ້ທຸກຍາກຂອງຫວຽດນາມຍັງສູງຫຼາຍ, ໃນຕໍ່ໜ້າ, ຫວຽດນາມຄວນເອົາໃຈໃສ່ຕໍ່ວຽກງານຫຼຸດຜ່ອນຄວາມທຸກຍາກໃນຂົງເຂດສາທາລະນະສຸກແລະການສຶກສາ.
ບົດລາຍງານສະແດງໃຫ້ເຫັນວ່າ, 10ປີຜ່ານມາ, ລະດັບຕົວເລກດັດສະນີພັດທະນາມະນຸດຂອງຫວຽດນາມໄດ້ເພີ່ມຂຶ້ນ11,8%, ໃນນັ້ນ, ການເພີ່ມຂຶ້ນຂອງຕົວເລກລາຍຮັບມີພຽງແຕ່56%ເທົ່ານັ້ນ.
ສະຖິຕິຂອງບົດລາຍງານສະແດງໃຫ້ເຫັນວ່າ, ປະຈຸບັນນີ້, ອັດຕາປະຊາກອນຜູ້ທຸກຍາກຂອງຫວຽດນາມໄດ້ກວມ23,3%ຂອງປະຊາກອນທົ່ວປະເທດ, ໃນນັ້ນ, ອັດຕາປະຊາກອນທີ່ທຸກຍາກຍ້ອນມີລາຍຮັບຕ່ຳແມ່ນ14,5%, ນອກຈາກນັ້ນແມ່ນປະຊາກອນຜູ້ທຸກຍາກບໍ່ໄດ້ຮັບການສຶກສາແລະເຂົ້າເຖິງການປິ່ນປົວ. ນອກນີ້, ຄວາມຮັ່ງມີແລະຄວາມທຸກຍາກລະຫວ່າງທອ້ງຖິ່ນຕ່າງໆຂອງຫວຽດນາມກໍຍັງມີຄວາມຫຼຸດໂຕນກັນຫຼາຍ, ອັດຕາມີເຮືອນຢູ່ຖາວອນແລະມີນ້ຳດື່ມສະອາດຂອງຄອບຄົວທຸກຍາກຢູ່ຊົນນະບົດຍັງບໍ່ສູງປານໃດ.
