ອິນໂດເນເຊຍສົ່ງເຈົ້າໜ້າທີ່ປ້ອງກັນຄວາມສະຫງົບ1ໝື່ນ1ພັນຄົນໄປຮັກສາຄວາມປອດໄພໃນງານກິລາຊີເກມ
(GMT+08:00) 2011-11-10 14:49:13 cri
ຕາມຂ່າວສານຊິນຮວາ, ງານມະຫະກຳກິລາຊີເກມຄັ້ງທີ26ຈະຈັດຂຶ້ນຢູ່ອິນໂດເນເຊຍແຕ່ວັນທີ11ຫາວັນທີ22ພະຈິກນີ້, ອິນໂດເນເຊຍ ເຈົ້າພາບໄດ້ຈັດສົ່ງເຈົ້າໜ້າທີ່ປ້ອງກັນຄວາມສະຫງົບ1ໝື່ນ1ພັນກວ່າຄົນໄປຮັກສາຄວາມປອດໄພໃນງານກິລາຊີເກມຄັ້ງນີ້.
ກິລາຊີເກມຄັ້ງນີ້ຈະມີການແຂ່ງຂັນກິລາ44ປະເພດ, ໃນນັ້ນມີກິລາ24ປະເພດຈະແຂ່ງຂັນຢູ່ນະຄອນຫຼວງຈາກາຕາ, ສ່ວນທີ່ເຫຼືອນັ້ນແມ່ນຈັດແຂ່ງຂັນຢູ່ເມືອງປາເລມບັງຂອງແຂວງຊູມາດດຼາໃຕ້. ນັກກິລາຫຼາຍພັນຄົນທີ່ມາຈາກ11ປະເທດອາຊີອາຄະເນຈະເຂົ້າຮ່ວມຊິງເອົາຫຼຽນຄຳທັງໝົດ542ຫຼຽນ.
