ຈີນຊຸກຍູ້ການສ້າງຕັ້ງສະມາຄົມສິດຫຸ້ນສ່ວນແລະການປະກອບທຸລະກິດແລະການລົງທຶນອາຊີຢ່າງສຳເລັດຜົນ
(GMT+08:00) 2011-11-11 16:17:32 cri
ຫວ່າງມໍ່ໆມານີ້, ສະມາຄົມສິດຫຸ້ນສ່ວນແລະການປະກອບທຸລະກິດແລະການລົງທຶນອາຊີໄດ້ສ້າງຕັ້ງຂຶ້ນຢ່າງເປັນທາງການຢູ່ນະຄອນຊູ່ໂຈ່ວທາງພາກຕາເວັນອອກຂອງຈີນ. ນີ້ແມ່ນຈີນຊຸກຍູ້ໃຫ້ສ້າງຕັ້ງສະຖາບັນການເງິນແບບສາກົນເທື່ອທຳອິດ.
ທ່ານຫວາງເວີຍ, ເລຂາທິການຂອງສະມາຄົມສິດຫຸ້ນສ່ວນການລົງທຶນຈີນກ່າວວ່າ, ການສ້າງຕັ້ງສະມາຄົມນີ້ມີຜົນດີຕໍ່ການຊຸກຍູ້ການພັດທະນາແລະເສດຖະກິດຟື້ນຕົວຂຶ້ນຂອງວິສາຫະກິດຂະໜາດກາງແລະນ້ອຍຂອງອາຊີ,ຊ່ວຍເຫຼືອວິສາຫະກິດຂອງຈີນຮຽນແລະປະຕິບັດຕາມຂໍ້ກຳນົດທີ່ໂປ່ງໃສດ້ານການເງິນໃຫ້ຫຼາຍກວ່າເກົ່າ,ຍົກສູງລະດັບການຄຸ້ມຄອງບໍລິສັດ,ພ້ອມທັງຊຸກຍູ້ການພັດທະນາ "ກຳລັງອາຊີ".
ຂ່າວແຈ້ງວ່າ,ຜູ້ແທນຂອງສະມາຄົມກອງທຶນສິດຫຸ້ນສ່ວນແລະການລົງທຶນທີ່ມາຈາກ8ເຂດຄື: ແຜ່ນດິນໃຫຍ່ຈີນ,ເຂດບໍລິຫານພິເສດຮົງກົງຂອງຈີນ,ໄຕ້ຫວັນຂອງຈີນ,ຍີ່ປຸ່ນ,ສ.ເກົາຫຼີ,ອິນເດຍ,ອົສຕາລີແລະສິງກະໂປໄດ້ເຂົ້າຮ່ວມກອງປະຊຸມສ້າງຕັ້ງສະມາຄົມ.
