ທ່ານເວີ່ນເຈ່ຍປາວ ນາຍົກລັດຖະມົນຕີຈີນກ່າວຄຳປາໄສໃນກອງປະຊຸມສຸດຍອດອາຊຽນ-ຈີນ
(GMT+08:00) 2011-11-18 11:24:17 cri
ກອງປະຊຸມສຸດຍອດອາຊຽນ-ຈີນຫຼືຄັ້ງທີ14ແລະກອງປະຊຸມສຸດຍອດລະລຶກການສ້າງການພົວພັນຄູ່ເຈລະຈາລະຫວ່າງຈີນ-ອາຊຽນຄົບຮອບ20ປີໄດ້ຈັດຂຶ້ນຢູ່ເກາະບາຫຼີຂອງອິນໂດເນເຊຍໃນຕອນເຊົ້າວັນທີ18ພະຈິກນີ້. ທ່ານເວີ່ນເຈ່ຍປາວ,ນາຍົກລັດຖະມົນຕີຈີນໄດ້ເຂົ້າຮ່ວມກອງປະຊຸມແລະກ່າວຄຳປາໄສ.
ປີນີ້ແມ່ນການສ້າງການພົວພັນຄູ່ເຈລະຈາລະຫວ່າງຈີນ-ອາຊຽນຄົບຮອບ20ປີ. ກອງປະຊຸມຈະທົບທວນຄືນການຂະຫຍາຍການພົວພັນລະຫວ່າງຈີນ-ອາຊຽນໃນ20ປີຜ່ານມາ,ແລະວາງແຜນການຍຸດທະສາດຂະຫຍາຍການພົວພັນລະຫວ່າງສອງຝ່າຍໃນອານາຄົດ. ທ່ານເວີ່ນເຈ່ຍປາວໄດ້ກ່າວຢ້ຳຫຼັກໝັ້ນແລະນະໂຍບາຍຂອງຈີນທີ່ຍຶດໝັ້ນໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີກັບອາຊຽນ,ຮ່ວມກັນພັດທະນາ,ຕ່າງຝ່າຍຕ່າງໄດ້ຮັບຜົນປະໂຫຍດ,ໄດ້ສະເໜີຂໍ້ລິເລີ່ມກ່ຽວກັບການລົງເລິກການຮ່ວມມືລະຫວ່າງສອງຝ່າຍໃນຂົງເຂດການເມືອງ,ເສດຖະກິດການຄ້າ,ການເຊື່ອມຕໍ່ລະຫວ່າງຂະແໜງການແລະແລກປ່ຽນກັນທາງດ້ານວັດທະນະທຳແລະບຸກຄະລາກອນແລະຂົງເຂດອື່ນໆ. ກອງປະຊຸມສຸດຍອດຈະອອກ "ຖະແຫຼງການຮ່ວມ",ສະແດງໃຫ້ເຫັນເຖິງຄວາມມຸ່ງມາດປາຖະໜາທາງການເມືອງລະຫວ່າງຈີນກັບອາຊຽນໃນການລົງເລິກການພົວພັນຄູ່ຍຸດທະສາດ. ພາຍຫຼັງສຳເລັດກອງປະຊຸມແລ້ວ,ຍັງຈະຈັດພິທີເປີດປ້າຍທີ່ມີຫົວຂໍ້ວ່າ "ສູນຈີນ-ອາຊຽນ"ຕື່ມອີກ.
