ຕາມຂ່າວສານຊິນຮວາ: ວັນທີ 20 ພະຈິກນີ້, ທ່ານປຣະຊາ ພຼົມນອກ ລັດຖະມົນຕີວ່າການກະຊວງຍຸດຕິທຳຂອງໄທກ່າວວ່າ, ໃນບັນຊີລາຍຊື່ນີລະໂທດຂອງລາຊະສຳນັກປີນີ້ບໍ່ມີຊື່ຂອງທ່ານທັກສິນ ຊິນນະວັດ ອະດີດນາຍົກລັດຖະມົນຕີທີ່ລີ້ໄພຢູ່ຕ່າງປະເທດ.
ວັນທີ 21 ພະຈິກນີ້, ສື່ມວນຊົນໄທຍົກເອົາຄຳເວົ້າຂອງທ່ານປຣະຊາພຣມນອກ,ມາລາຍງານວ່າ, ການນີລະໂທດປີນີ້ຈະປະຕິບັດຕາມປະເພນີ ແລະ ກົດໝາຍ,ທີ່ເຄີຍປະຕິບັດມາໂດຍທີ່ບໍ່ໄດ້ລວມເຖິງຜູ່ທີ່ຖືກລົງໂທດຍ້ອນການສໍ້ລາດບັງຫຼວງ ແລະ ພົວພັນເຖິງຢາເສບຕິດ, ແລະບໍ່ໄດ້ລວມເຖິງຜູ່ທີ່ຫຼຸດພົ້ນຈາກການລົງໂທດຂອງກົດໝາຍ, ນີ້ໝາຍຄວາມວ່າທ່ານທັກສິນບໍ່ສອດຄ່ອງກັບເງື່ອນໄຂທີ່ຈະໄດ້ຮັບການນີລະໂທດ.
ວັນທີ 21 ພະຈິກນີ້,ຫຼັງຈາກທ່ານປຣະຊາສະແດງທ່າທີ, ໂຄສົກກຸ່ມພັນທະມິດປະຊາຊົນເພື່ອປະຊາທິປະໄຕກ່າວວ່າ, ພັນທະມິດປະຊາຊົນເພື່ອປະຊາທິປະໄຕຕົກລົງຍົກເລີກງານໂຮມຊຸມນຸມຂະໜາດໃຫຍ່ທີ່ມີແຜນຈະຈັດຂຶ້ນໃນມື້ດຽວກັນ.
