ການທ່ອງທ່ຽວວັດທະນະທຳສີລະປະມິດຕະພາບຈີນອາຊຽນຈະຈັດຂຶ້ນໃນໄວໆນີ້
(GMT+08:00) 2011-11-23 11:01:08 cri
ຕາມຂ່າວຈາກໜັງສືພິມເຢິນມິນຢື້ປ້າວ: ແຕ່ວັນທີ 24 ພະຈິກຫາວັນທີ 6 ທັນວາໜ້ານີ້, ກິດຈະກຳການທ່ອງທ່ຽວວັດທະນະທຳສີລະປະມິດຕະພາບຈີນອາຊຽນທີ່ຈັດໂດຍສະມາຄົມມິດຕະພາບກັບຕ່າງປະເທດຂອງຈີນນັ້ນ, ຈະພາສີລະປິນທີ່ມີຊື່ສຽງຂອງຈີນ 9 ຄົນໄປຢ້ຽມຢາມຫວຽດນາມ, ລາວ, ມະເລເຊຍແລະບຼູໄນ.
ຮູບແຕ້ມແລະສີມືການຂຽນງາມ 70 ແຜ່ນຂອງສີລະປິນຈີນ 9 ທ່ານຈະນຳໄປວາງສະແດງຢູ່ 4 ປະເທດອາຊຽນ. ເນື້ອໃນຂອງຮູບທີ່ຈະນຳໄປວາງສະແດງລວມມີຮູບແຕ້ມພູຜາແລະແມ່ນ້ຳ, ດອກໄມ້ແລະນົກ, ຮູບແຕ້ມຄົນແລະສີມືການຂຽນງາມເປັນຕົ້ນ, ເພື່ອສະແດງໃຫ້ເຫັນເຖິງຜົນສຳເລັດໃນດ້ານການແຕ້ມຮູບແລະການຂຽນງາມຂອງຈີນໃນສະໄໝປະຈຸບັນດ້ວຍວິທີແຕ້ມຮູບແລະການຂຽນງາມທີ່ແຕກຕ່າງກັນ. ພ້ອມກັນນັ້ນ, ນັກສີລະປິນທັງ 9 ທ່ານດັ່ງກ່າວຍັງຈະດຳເນີນກິດຈະກຳແລກປ່ຽນວັດທະນະທຳດ້ວຍຮູບການຕ່າງໆກັບສີລະປິນຂອງປະເທດຫວຽດນາມ, ລາວ, ມະເລເຊຍແລະບຼູໄນຢູ່ສະຖານທີ່ວາງສະແດງ.
