ຕາມຂ່າວຈາກ"ໜັງສືພິມເສດຖະກິດລາຍວັນ"ຂອງອິນໂດເນເຊຍລາຍງານວ່າ: ເພື່ອຍົກປະສິດທິພາບວຽກງານຕ່າງໆໃຫ້ສູງຂຶ້ນ, ຮັບໃຊ້ປະຊາຊົນໃຫ້ໄດ້ດີກວ່າເກົ່າ, ກະຊວງພາຍໃນອິນໂດເນເຊຍຕົກລົງນຳໃຊ້ບັດປະຈຳຕົວແບບເອເລັກໂຕຼນິກຢູ່ນະຄອນຫຼວງຢາກາກຕາ ຢ່າງຮອບດ້ານກ່ອນໝູ່.
ອີງຕາມແຜນການ, ວຽກງານດັ່ງກ່າວໄດ້ເລິ່ມປະຕິດບັດໃນເດືອນສິງຫາປີນີ້ແລະຈະສຳເລັດທັງໝົດໃນວັນທີ 14 ທັນວາປີນີ້. ເບິ່ງຈາກຜົນສະທ້ອນເຫັນວ່າ, ວຽກງານນີ້ໄດ້ດຳເນີນໄປຢ່າງສະດວກ, ໃນນັ້ນ ມາຮອດວັນທີ 15 ພະຈິກນີ້,ເຂດຕາເວັນຕົກຂອງນະຄອນຫຼວງຢາກາກຕາໄດ້ເບີກບັດປະຈຳຕົວແບບເອເລັກໂຕຼນິກໃຫ້ປະຊາຊົນໄປແລ້ວ 7 ແສນ 8 ໝື່ນ 3 ພັນບັດ, ກວມ 49,12% ຂອງປະຊາກອນທັງໝົດໃນເຂດດັ່ງກ່າວ.
ອີງຕາມຂໍ້ມູນຈາກກົມສະຖິຕິສູນກາງອິນໂດເນເຊຍ, ຮອດທ້າຍປີ2010ຜ່ານມາ, ຈຳນວນປະຊາກອນຢູ່ນະຄອນຫຼວງຢາກາກຕາມີ 8 ລ້ານ 9 ແສນຄົນ, ຖ້າບວກກັບຈຳນວນປະຊາກອນເຄື່ອນຍ້າຍ 2 ລ້ານ 5 ແສນຄົນ ແລະ ປະຊາກອນອື່ນໆແລ້ວ, ຍອດຈຳນວນປະຊາກອນຢູ່ນະຄອນຫຼວງຢາກາກຕາຂອງອິນໂດເນເຊຍມີຫຼາຍກວ່າ 12 ລ້ານຄົນແລ້ວ.
