ຕາມຂ່າວສານຈີນ: ວັນທີ 26 ພະຈິກນີ້, ທ່ານຈ່ຽງອີ້ມີງ ຫົວໜ້າພະແນກກະສິກຳແຂວງຢຸນນານຈີນກ່າວວ່າ, ແຂວງຢຸນນານຈະສ້າງສູນປູກຜັກເພື່ອສົ່ງອອກຈຳນວນ 6 ແສນ 6 ໝື່ນ 6 ພັນກວ່າເຮັກຕາ,ເພື່ອຍົກສູງມາດຕະຖານ ແລະ ຂະໜາດຂອງຜັກ, ຕອບສະໜອງຄວາມຕ້ອງການໃນການບໍລິໂພກຂອງອາຊຽນ ແລະ ເຂດອື່ນໆ.
ໃນຖານະເປັນແຂວງໃຫຍ່ທີ່ສົ່ງຜັກອອກຂາຍຫຼາຍທີ່ສຸດ, ປີ2010ຜ່ານມາ, ຜັກທີ່ຂາຍໄປຍັງຕ່າງແຂວງ ແລະ ຕ່າງປະເທດຈາກແຂວງຢຸນນານມີເຖິງ 4 ລ້ານ 5 ແສນໂຕນ, ເພິ່ມຂຶ້ນ 3 ແສນໂຕນເມື່ອທຽບກັບໄລຍະດຽວກັນຂອງປີ2009, ປັດຈຸບັນ, ຜັກໄດ້ກາຍເປັນຜະລິດຕະພັນກະສິກຳທີ່ສົ່ງອອກຫຼາຍທີ່ສຸດຂອງແຂວງຢຸນນານແລ້ວ, ໄດ້ສົ່ງອອກໂດຍກົງໄປ 30 ກວ່າປະເທດແລະເຂດແຄວ້ນ ເຊັ່ນ, ສິງກະໂປ,ມະເລເຊຍ, ໄທ ແລະ ຫວຽດນາມເປັນຕົ້ນ. ໃນນັ້ນ,ແຕ່ເດືອນມັງກອນ ຫາ ເດືອນສິງຫາປີນີ້, ແຂວງຢຸນນານກໍ່ສົ່ງຜັກອອກຂາຍໃຫ້ໄທຫຼາຍກວ່າ 1 ໝື່ນ 1 ພັນ 346 ເທື່ອ, ລວມມີ 5 ໝື່ນ 9 ພັນ 700 ໂຕນ, ມູນຄ່າການຄ້າມີ 82 ລ້ານ 9 ແສນ 3 ໝື່ນໂດລາ.
