ທ່ານອະພິສິດ ເວດຊາຊີວະ ອະດີດນາຍົກລັດຖະມົນຕີໄທແລະທ່ານສຸເທບ ເທືອກສຸບັນອະດີດຮອງນາຍົກລັດຖະມົນຕີເຫັນດີຮັບການສືບສວນຈາກເຈົ້າໜ້າທີ່ຕຳຫຼວດ
(GMT+08:00) 2011-12-05 16:04:26 cri
ຕາມຂ່າວສານຈີນ:ວັນທີ3 ທັນວານີ້,ເຈົ້າໜ້າທີ່ຕຳຫຼວດໄທກ່າວວ່າ,ທ່ານສຸເທບ ເທືອກສຸບັນ ອະດີດຮອງນາຍົກລັດຖະມົນຕີທີ່ຮັບຜິດຊອບວຽກງານຄວາມໝັ້ນຄົງແລະທ່ານອະພິສິດ ເວດຊາຊີວະ ອະດີດນາຍົກລັດຖະມົນຕີຂອງໄທຕ່າງກໍ່ເຫັນດີທີ່ຈະໄປຮັບການສືບສວນຈາກເຈົ້າໜ້າທີ່ຕຳຫຼວດໃນວັນທີ8 ແລະວັນທີ9 ທັນວານີ້, ແລະຈະໃຫ້ຂໍ້ມູນຂ່າວສານຫຼາຍກວ່າເກົ່າກ່ຽວກັບລັດຖະບານໃນເວລານັ້ນໄດ້ສະຫຼາຍການປະທ້ວງຂອງກຸ່ມເສື້ອແດງດ້ວຍກຳລັງອາວຸດ.
ເຈົ້າໜ້າທີ່ຕຳຫຼວດເຫັນວ່າ,ທ່ານອະພິສິດເປັນນາຍົກລັດຖະມົນຕີໃນເວລານັນ,ສ່ວນທ່ານສຸເທບເປັນຮອງນາຍົກລັດຖະມົນຕີທີ່ຮັບຜິດຊອບວຽກງານຄວາມໝັ້ນຄົງແລະທັງເປັນຫົວໜ້າສູນການຄຸ້ມຄອງສະພາບສຸກເສີນສາທາລະນະ,ຊຶ່ງທງສອງຝ່ານຈະເປັນຜູ່ໃຫ້ຂໍ້ມູນຢ່າງລະອຽດກວ່າເກົ່າກ່ຽວກັບຄວາມຈຳເປັນໃນການສະຫຼາຍກຸ່ມເສື້ອແດງທີ່ດຳເນີນການປະທ້ວງໃນເວລານັ້ນ.
ພາຍຫຼັງດຳເນີນການພິຈາລະນາຄືນໃໝ່ກ່ຽວກັບເຫດການປະທະກັນດ້ວຍຄວາມຮຸນແຮງໃນປີກາຍນີ້,ກົມສືບສວນຄະດີພິເສດຂອງໄທເຫັນວ່າ,ລັດຖະບານໃນເວລານັ້ນອາດຈະມີຄວາມບຜິດຊອບຕໍ່13ຄະດີທີ່ເຮັດໃຫ້ມີຜູ່ຄົນເສຍຊີວິດ91ຄົນໃນເຫດການປະທະກັນດ້ວຍຄວາມຮຸນແຮງຫຼາຍຄັ້ງໃນໄລຍະທີ່"ກຸ່ມເສື້ອແດງ"ເຕົ້າໂຮມກັນແລະສະແດງກຳລັງ.
