ການສະແດງເພື່ອການກຸສົນເພື່ອບໍລິຈາກຊ່ວຍຜູ່ປະສົບໄພນ້ຳຖ້ວມຢູ່ໄທຂອງດາຣານັກຮ້ອງນັກສະແດງຈາກປະເທດໄທຈະຈັດຂຶ້ນໃນວັນທີ 11 ທັນວານີ້
(GMT+08:00) 2011-12-09 15:42:58 cri
ຕາມຂ່າວCRI: ໄພນ້ຳຖ້ວມທີ່ແກ່ຍາວມາເປັນເວລາຫຼາຍເດືອນເຮັດໃຫ້ປະຊາຊົນໄທໄດ້ຮັບຄວາມເສຍຫາຍອັນໃຫຍ່ຫຼວງດ້ານຊີວິດ ແລະ ຊັບສິນ, ທັງຍັງສ້າງຜົນສະທ້ອນຕໍ່ເສດຖະກິດຂອງປະເທດໄທຢ່າງຮ້າຍແຮງ. ເພື່ອສົ່ງຄວາມຮັກຕໍ່ປະຊາຊົນໄທທີ່ປະສົບໄພນ້ຳຖ້ວມ, ພະແນກການຄ້າຂອງສະຖານທູດຣາຊະອານາຈັກໄທປະຈຳຈີນ, ວິທະຍຸສາກົນແຫ່ງປະເທດຈີນ, ສະມາຄົມການຄ້າໄທຂອງຈີນ, ສະມາຄົມນັກສຶກສາໄທທີ່ຮຽນຢູ່ຈີນຈະຮ່ວມກັນຈັດກິດຈະກຳທີ່ມີຊື່ວ່າ"ການສະແດງເພື່ອການກຸສົນເພື່ອບໍລິຈາກຊ່ວຍຜູ່ປະສົບໄພນ້ຳຖ້ວມຢູ່ໄທເຊິ່ງຈະຈັດຂຶ້ນໂດຍການສະແດງຂອງດາຣານັກຮ້ອງນັກສະແດງຈາກຣາຊະອານາຈັກໄທ"ໃນວັນທີ 11 ທັນວານີ້ຢູ່ໂຮງແຮມກົວກວາງປັກກິ່ງ, ເງິນທີ່ໄດ້ຮັບຈາກກິດຈະກຳທັງໝົດເຫຼືອຈາກການຫັກຄ່າໃຊ້ຈ່າຍແລ້ວຈະມອບໃຫ້ສະພາກາແດງໄທເພື່ອນຳໄປຊ່ວຍເຫຼືອຜູ່ປະສົບໄພນ້ຳຖ້ວມ.
